‘एचसीएल’ एक हजार फ्रेशर्स व

- मिहानमध्ये ५० एकरात कॅम्पस : एचसीएलची विविध मोहीम

नागपूर : आघाडीची जागतिक तंत्रज्ञान कंपनी एचसीएल टेक्नॉलॉजीज लिमिटेडचे उपाध्यक्ष (कॉर्पोरेट) शिवाशंकर यांनी गुरुवारी पत्रपरिषदेत मिहान नागपूर येथील एचसीएल कॅम्पसमध्ये येणाऱ्या महिन्यात एक हजार फ्रेशर्स आणि अनुभवी प्रोफेशनल्सला रोजगाराची संधी देण्याची घोषणा केली. कॉलेज फ्रेशर्स, कार्यरत प्रोफेशनल्ससाठी सर्वोत्तम कौशल्ये आणि अनुभवासह या रोजगारासाठी अर्ज करण्यासाठी ही एक उत्तम संधी आहे.

मिहानमध्ये एचसीएलचा ५० एकरचा कॅम्पस एप्रिल २०१८पासून दोन हजार कर्मचाऱ्यांसह कार्यरत आहे. हे केंद्र आता अमेरिकेच्या ग्रीन बिल्डिंग कौन्सिलद्वारे जगभरातील प्लॅटिनम प्रमाणित कॅम्पसच्या एलिट लीगचा भाग आहे. एचसीएलचे नागपूर येथील केंद्र आता अत्याधुनिक ग्लोबल आयटी डेव्हलपमेंट सेंटर बनविणे, भरती करणे, प्रशिक्षण देणे, स्थानिक लोकांना रोजगाराची संधी उपलब्ध करून देणे तसेच त्यांच्यासाठी शाश्वत इको-सिस्टम तयार व ऑपरेट करणे या एचसीएलच्या तत्त्वज्ञानासारखे आहे. एचसीएल नागपूर अभियांत्रिकी, अनुसंधान व विकास सेवा (ईआरएस), अनुप्रयोग विकास आणि पायाभूत सुविधा व्यवस्थापन सेवा व्यवसायावर लक्ष केंद्रित करते.

एचसीएल नागपूरची ‘कम बॅक होम’ ही मोहीम नागपुरातील प्रतिभावान लोकांपर्यंत पोहोचत त्यांना त्यांच्या घरी परत बोलावून ईआरएस, ॲप्लिकेशन आणि पायाभूत सुविधा व्यवस्थापन सेवेमध्ये करिअर बनविण्यासाठी प्रोत्साहित करते. तसेच ‘स्टे रुटेड’ ही मोहीम पदवीधरांसाठी त्यांच्या स्वत:च्या शहरात जागतिक पातळीवर संधी निर्माण करण्यावर केंद्रित असून, नवीन संधींसह नवीन लोकांपर्यंतदेखील पोहोचते.

अनुभवी व्यावसायिक जावा, नेट, सेल्सफोर्स, म्यूलसॉफ्ट, पीएलएम, ऑटोमेशन टेस्टिंग, एंड-यूजर कॉम्प्युटिंग, डेटा सेंटर ऑपरेशन्स, सर्व्हिस डिलिव्हरी मॅनेजर, ऑपरेशन्स मॅनेजर, प्रोजेक्ट आणि प्रोग्राम मॅनेजर यासारख्या लीडरशिप रोलसह मुख्य तंत्रज्ञानामध्ये दोन ते २० वर्षांच्या अनुभवासह एचसीएलमध्ये सामील होऊ शकतात. एचसीएलचा ‘न्यू विस्टास’ पुढाकार भारतात नावीन्यपूर्ण संधी आणि प्लॅटफॉर्म्ससह प्रतिभा प्रदान करीत आहे. मागील चार वर्षांपासून मदुराई, लखनऊ, नागपूर आणि विजयवाडा यासारख्या शहरातील ‘न्यू विस्टास’मधील केंद्रांचा विकास झाला असून, तिथे १५ हजारांपेक्षा जास्त उमेदवारांना नियुक्त करण्यात आले आहे. (वा.प्र.)