दहावीच्या विद्यार्थ्यांसाठी क्रॅश काेर्स करण्याची सुवर्णसंधी

नागपूर : लोकमत कॅम्पस क्लब आणि इनफिनिटी कोचिंग क्लासेस यांच्या संयुक्त विद्यमाने दहावीच्या विद्यार्थ्यांसाठी गणित विषयाचा एक महिन्याचा नि:शुल्क क्रॅश काेर्स सुरू करण्यात आला आहे. दि. ५ फेब्रुवारीपासून याचे वर्ग सुरू करण्यात आले आहेत. विद्यार्थ्यांना भविष्यात उंच भरारी घेण्यासाठी ही संधी उपलब्ध करण्यात आली आहे.

यासाठी १० जानेवारीपासून नाेंदणी सुरू करण्यात आली आहे. विद्यार्थ्यांमध्ये क्रॅश काेर्सबाबत चांगलाच उत्साह असून, आतापर्यंत एक हजारपेक्षा अधिक विद्यार्थ्यांनी नाेंदणी करून आपले स्थान निश्चित केले आहे. याशिवाय नागपुरातील ४०पेक्षा अधिक शाळा ही स्पर्धा आयाेजित करीत आहेत, जेणेकरून मुलांना चांगले शिक्षण मिळावे आणि भविष्यात हाेणाऱ्या स्पर्धा परीक्षेत सहभागी हाेण्यासाठी तयार राहतील. याबाबत इन्फिनिटी कोचिंग क्लासेसचे शुभम बन्सल यांनी सांगितले, गेल्या सात वर्षांपेक्षा अधिक काळापासून ते या कार्यात आहेत. अनेक विद्यार्थ्यांना गणित विषय समजण्यासाठी संघर्ष करताना पाहिले आहे. बहुतेक विद्यार्थ्यांनी त्यांचा आत्मविश्वास गमावला आहे. ही बाब नेहमी शिक्षकांच्या शिकविण्याच्या पद्धतीवर अवलंबून असते. त्यामुळे या क्रॅश काेर्सचा लाभ विद्यार्थ्यांना हाेइल, असा विश्वास बंसल यांनी व्यक्त केला. याबाबत अधिक माहिती व नाेंदणीसाठी ७३०४९९९७५२ या माेबाइल क्रमांकावर संपर्क केला जाऊ शकताे.

या सुविधा सुद्धा मिळणार

विद्यार्थ्यांसाठी संपूर्ण काेर्ससाठी ऑनलाइन आणि ऑफलाइन क्लासरूम उपलब्ध करण्यात येणार आहे. एवढेच नाही तर विद्यार्थी विशिष्ट चॅप्टरसाठी ऑनलाइन किंवा ऑफलाइन वर्गात उपस्थित राहू शकतील. याशिवाय ते स्पर्धेतही सहभागी हाेऊ शकतील.

या शाळांनी दाखविली तयारी

क्रॅश काेर्ससाठी शहरातील सेंटर पाॅइंट स्कूल, बिशप कॉटन स्कूल, पोद्दार इंटरनॅशनल स्कूल गोधनी, केंद्रीय विद्यालय अंबाझरी वायुसेना नगर, वंडरलॅंड हाईस्कूल कोराडी, सेंट एमबी हायस्कूल, रानी दुर्गावती चौक, तुली पब्किल स्कूल कोराडी रोड आदी ४०पेक्षा अधिक नावाजलेल्या शाळांनी काेर्स सुरू करण्याची तयारी दर्शविली आहे.