नागपुरातील कामठी रोडवर भीषण अपघात

कामठी रोडवरील मोहम्मद अली पेट्रोल पंपाजवळ झालेल्या भीषण अपघातात स्कॉर्पियो कारच्या धडकेत एक दुचाकी चालक गंभीर जखमी झाले. अभिमन्यू डोरले असे जखमीचे नाव आहे. ते आजनी ग्राम पंचायतचे सचिव राहुल डोरले यांचे वडील असल्याचे सांगितले जाते. हा अपघात शनिवारी रात्री ८.३० वाजता घडला.

ठळक मुद्देस्कॉर्पियोची दुचाकीला जोरदार धडक

लोकमत न्यूज नेटवर्कनागपूर : कामठी रोडवरील मोहम्मद अली पेट्रोल पंपाजवळ झालेल्या भीषण अपघातात स्कॉर्पियो कारच्या धडकेत एक दुचाकी चालक गंभीर जखमी झाले. अभिमन्यू डोरले असे जखमीचे नाव आहे. ते आजनी ग्राम पंचायतचे सचिव राहुल डोरले यांचे वडील असल्याचे सांगितले जाते. हा अपघात शनिवारी रात्री ८.३० वाजता घडला. 

प्रत्यक्षदर्शीनुसार एक स्कॉर्पियो गाडी कामठीकडून ऑटोमाबाईल चौकाकडे येत होती. त्याच्या समोरच दुचाकी वाहन एमएच ४० एएफ १८६१ वर डोरले जात होते. कारने दुचाकीला धडक दिली. या अपघातात दुचाकी चालक गंभीर जखमी झाले. नागरिकांच्या मदतीने त्यांना रुग्णालयात दाखल करण्यात आले. वृत्त लिहेपर्यंत पोलीस या अपघातीच पुष्टी करीत नव्हते.