नागपूर : जुनी पेन्शनच्या मागणीसाठी मेयो, मेडिकलसह डागा स्मृती शासकीय स्त्री रुग्णालय, प्रादेशिक मनोरुग्णालय व कामगार विमा रुग्णालयातील परिचारिका, तंत्रज्ञ, तृतीय व चतुर्थ श्रेणी कर्मचारी मंगळवारी संपावर गेल्याने रुग्णसेवा विस्कळीत झाली. जवळपास १५०वर नियोजित शस्त्रक्रिया पुढे ढकलण्यात आल्याने रुग्णांना मोठा फटका बसला. रुग्णांच्या तुलनेत मोजक्याच परिचारिका व कर्मचारी असल्याने केवळ इर्मजन्सी रुग्णसेवा देण्यात आली.
महाराष्ट्र राज्य परिचारिका संघटनेच्यावतीने व राज्य सरकारी कर्मचारी मध्यवर्ती संघटनेच्यावतीने मंगळवारी दुपारी १२ वाजताच्या सुमारास परिचारिकांसह कर्मचाºयांनी एकत्र मोर्चा काढला. अधिष्ठाता कार्यालयासमोर व बाह्यरुग्ण विभागासमोर मोर्चेकरांनी जोरदार नारेबाजी करीत रुग्णालयाचा परिसर दणाणून सोडला.
संपावर पर्याय म्हणून मेयो, मेडिकल, डागा व प्रादेशिक मनोरुग्णालयाने नर्सिंग कॉलेजच्या विद्यार्थीनी, ‘पब्लिक हेल्थ नर्स’, कंत्राटी कर्मचाºयांवर रुग्णालयाची जबाबदारी टाकली. परंतु रुग्णसंख्येच्या तुलनेत यांची संख्या कमी पडल्याने व अनुभवाच्या कमतरतेमुळे रुग्णसेवा प्रभावित झाल्याचे दिसून आले.