सीएद्वारे प्रमाणनाचे विधिवत योग्यता मापन व्हावे

नागपूर : आचारसंहितेमुळे सीएंनी कर्तव्याचे पालन इमानदारी, निष्ठा आणि व्यावसायिकतेने करावे. कर नियोजनाच्या प्रकरणात ग्राहकांची मदत करावी. त्याकरिता आमच्या सेवा महत्त्वपूर्ण आहेत. कोणत्याही प्रकरणात ग्राहकाला कर बचावासाठी मदत करू नये. देशनिर्माणसाठी एक भागीदार म्हणून काम करावे. सीएंद्वारे प्रमाणनाचे विधिवत योग्यता मापन व्हावे, असे आवाहन इंडियन द इन्स्टिट्यूट ऑफ चार्टर्ड अकाऊंटंट ऑफ इंडियाचे (आयसीएआय) माजी अध्यक्ष सीए नीलेश विकमसे यांनी येथे केले.

आयसीएआयच्या पश्चिम विभागांतर्गत कार्यरत नागपूर सीए संस्थेतर्फे ‘प्रमाणन आणि योग्यता- संशोधित आचारसंहितेंर्गत काय करावे आणि काय करू नये’ या विषयावर आयोजित चर्चासत्रात प्रमुख अतिथी म्हणून ते बोलत होते. याप्रसंगी नागपूर सीए संस्थेचे अध्यक्ष सीए किरीट कल्याणी आणि विभागीय कौन्सिल सदस्य सीए अभिजित केळकर उपस्थित होते.

विकमसे म्हणाले, एकीकडे प्रमाणीकरणामुळे हितधारकांची विश्वसनीयता सुनिश्चित करण्यासाठी मदत मिळते तर दुसरीकडे कर्तव्याचे योग्यरीत्या निर्वहन करण्यााठी व्यावसायिकांना योग्य मदत मिळेल. विकमसे यांनी व्यावसायिक जीवनातील काही उदाहरण सांगितली. व्यावसायिक प्रकरणांची स्थिती आणि अन्य तथ्याच्या सत्यापनाचे कारण आवश्यक प्रमाणीकरणासाठी आवश्यक आहेत. प्रमाणपत्रासाठी लाभार्थीने सादर केलेल्या आवश्यक प्रारूप आणि सामग्रीनुसार नसल्यास ते आवश्यक नाही. त्याला टिपणीसह विधिवत योग्य बनविण्याची आवश्यकता आहे. हितधारकांना सर्व गोष्टींची योग्य स्थिती अवगत करणे आवश्यक आहे.

सीए किरीट कल्याणी म्हणाले, प्रमाणीकरणाच्या प्रकरणात काय करावे आणि काय करू नये तसेच प्रकरणांची आवश्यक योग्यता चांगल्या पद्धतीने ओळखण्याची सीएंना गरज आहे. सीए अभिजित केळकर म्हणाले, सीएंमध्ये कर्तव्य पार पाडण्याची नैतिकता असावी. त्यांनी सीएंना निर्धारित कोडचे नैतिकतेने पालन करण्याचे आवाहन केले. तांत्रिक सत्रात दिल्लीचे माजी अध्यक्ष सीए विवेक खुराना यांनी मार्गदर्शन केले आणि संशोधित आचारसंहितेची माहिती दिली. ‘विकासा’चे अध्यक्ष सीए अक्षय गुल्हाने यांनी संचालन केले. सचिव सीए जितेन सागलानी यांनी पाहुण्यांचा परिचय करून दिला. या प्रसंगी सीए इरावती दाणी, सीए हेमेंद्र बदानी, सीए कपिल बहरी, सीए समीर चिटणीस, गिरीश देवधर, सीए हरीश बोनाजा आणि अन्य सीए मोठ्या संख्येने उपस्थित होते.