उभ्या ट्रकवर दुचाकी धडकली

लाेकमत न्यूज नेटवर्क

पारशिवनी : भरधाव दुचाकीची रस्त्यात उभा असलेल्या ट्रकला धडक लागली. त्यात गंभीर जखमी झाल्याने दुचाकीस्वार तरुणाचा मृत्यू झाला. ही घटना पारशिवनी-सावनेर मार्गावरील सावळी शिवारात शुक्रवारी रात्री ९.३० वाजताच्या सुमारास घडली.

अमाेल सेवकराम वाकाेडे (३४, रा. पारशिवनी) असे मृत तरुणाचे नाव आहे. ताे सावनेर येथे दुचाकी दुरुस्तीचे दुकान चालवित हाेता व दरराेज सावनेर येथे ये-जा करीत हाेता. शुक्रवारी सायंकाळी काम आटाेपून ताे एमएच-४९/एआर-४०५२ क्रमांकाच्या दुचाकीने पारशिवनी येथे येत हाेता. यादरम्यान सावळी शिवारात रस्त्यावर उभ्या असलेल्या एमएच-४०/वाय-८३२९ क्रमांकाच्या ट्रकला धडक लागली. त्यात अमाेलच्या डाेक्याला व छातीला गंभीर दुखापत झाली. रस्त्याने ये-जा करणाऱ्या नागरिकांनी रुग्णवाहिका बाेलावून त्याला पारशिवनी येथील ग्रामीण रुग्णालयात दाखल केले. तेथे तपासणीअंती डाॅक्टरांनी त्यास मृत घाेषित केले.

विशेष म्हणजे, सदर ट्रक हा दाेन दिवसांपासून तेथेच उभा हाेता. इंडिकेटर, रिफ्लेक्टर व पार्किंग लाईट बंद हाेते. घटनास्थळी रस्त्यावर थाेडे वळण असल्याने ट्रक नजरेस पडत नव्हता. यामुळे हा अपघात घडल्याचे नागरिकांनी सांगितले. याप्रकरणी पारशिवनी पाेलिसांनी गुन्हा नाेंदविला असून, तपास सुरू केला आहे.