भारतीय मजदूर संघाचे ज्येष्ठ कार्यकर्ते केशव पिंगळे यांचे निधन

बालपणापासून ते राष्ट्रीय स्वयंसेवक संघाचे कार्यकर्ते होते.

नागपूर: भारतीय मजदूर संघाचे ज्येष्ठ कार्यकर्ते केशव पिंगळे यांचे शुक्रवारी दुपारी वृद्धापकाळाने निधन झाले. ते 86 वर्षांचे होते. त्यांच्या पश्चात सुनील,अनिल, अतुल, अभय ही चार मुले व  मुलगी लता आणि नातवंडे असा मोठा परिवार आहे. बालपणापासून ते राष्ट्रीय स्वयंसेवक संघाचे कार्यकर्ते होते. त्यानंतर रेल्वेत नोकरीला लागल्यानंतर त्यांनी कामगारांच्या हक्कासाठी लढणाऱ्या भारतीय मजदूर संघाच्या कामाला सुरुवात केली. आणीबाणीच्या काळात त्यांना जेलमध्ये जावे लागले होते.