योगेश पांडे - नागपूरलोकमत न्यूज नेटवर्कनागपूर : अभिनेता सोनू सूद यांच्या पत्नी व मेहुणीचा नागपुरात अपघात झाला. वर्धा मार्गावरील डबल डेकर उड्डाणपुलावर एका ट्रकशी कार धडकली. यात कारचा चेंदामेंदा झाला असून सूद यांच्या पत्नी सोनाली व मेहुणीवर एका इस्पितळात उपचार सुरू आहेत. सोनेगाव पोलीस ठाण्याच्या हद्दीत ही घटना घडली.
सोनू सूद यांची पत्नी, मेहुणी व आणखी एक नातेवाईक बाहेरगावाहून सोमवारी रात्री नागपुरला येत होते. उड्डाणपुलावर एका ट्रकला गाडी मागून धडकली व त्यामुळे मोठा अपघात झाला. कारचे बोनेट पुर्णत: चेंदामेंदा झाले. सोनाली समोरील सीटवर बसल्या होत्या व त्या जखमी झाल्या. कारच्या एअरबॅग्ज उघडल्यामुळे कोणतीही जीवितहानी झाली नाही. सोनाली सूद यांना तातडीने एका इस्पितळात दाखल करण्यात आले. त्यांची प्रकृती आता स्थिर आहे.