मास्कशिवाय फिरणाऱ्या ३७,१४४ लोकांवर कारवाई

लोकमत न्यूज नेटवर्क

नागपूर : महापालिकेच्या उपद्रव शोधपथकांच्या जवानांनी सोमवारी मास्कशिवाय फिरणाऱ्या बेजबाबदार ५४ नागरिकांकडून २७ हजार रुपयांचा दंड वसूल केला. या सर्व नागरिकांना मास्क सुध्दा देण्यात आले. मागील काही महिन्यात शोधपथकांनी ३७,१४४ नागरिकांविरुध्द कारवाई करून १ कोटी ६९ लाख ३१ हजारांचा दंड वसूल केला आहे. रेल्वे स्थानकावरही मास्कशिवाय फिरणाऱ्यांवर कारवाई सुरू आहे.

सोमवारी पथकाद्वारे लक्ष्मीनगर झोनअंतर्गत २२, धरमपेठ ५, धंतोली ३, नेहरूनगर ८, गांधीबाग २, सतरंजीपुरा २, लकडगंज २, आशीनगर ६, मंगळवारी झोनअंतर्गत ३ आणि मनपा मुख्यालयातील एकाविरुध्द ही कारवाई करण्यात आली. पथकाचे प्रमुख वीरसेन तांबे यांच्या मार्गदर्शनात हा दंड वसूल केला जात आहे.