नागपूर : खोकला आणि सर्दीसाठी वापरल्या जाणाऱ्या Coldrif कफ सिरपच्या सेवनानंतर नागपूरच्या एका १८ महिन्यांच्या मुलीवर उपचार सुरु केले होते. परंतु तब्ब्येत सुधारली नाही व अखेर तिचा मृत्यू झाला. हे प्रकरण नागपूरचे शासकीय रुग्णालयात समोर आले आहे.
या १८ महिन्यांच्या लहान मुलीला खोकला व सर्दीचे लक्षण आल्याने Coldrif कफ सिरप दिले होते. परंतु त्यानंतर तिच्या प्रकृतीत झपाट्याने वाईट होण्याचा प्रकार दिसून आला. तातडीने तिला नागपूर शासकीय रुग्णालयात दाखल केले गेले, पण उपचारांनंतरही तिची प्रकृती सुधारली नाही. शेवटी तिचा मृत्यू झाला.
या घटनेनंतर आरोग्य यंत्रणा आणि सरकारवर गंभीर प्रश्न उभे झाले आहेत. मध्य प्रदेशमध्ये Coldrif या कफ सिरपमुळे आतापर्यंत १६ बालकांचा मृत्यू झाला. तर नागपूरच्या या घटनेने महाराष्ट्रात देखील कफ सिरपमुळे एका चिमुरडीचा मृत्यू झाला. त्यामुळे खोकला झाल्यानंतर जीव वाचवणारे कफ सिरप लहान मुलांसाठी आता जीवघेणे ठरत आहे. एकूण ३६ बालकांवर दुसऱ्या रुग्णालयांमध्ये या संदर्भातील उपचार सुरू आहेत.
औषध नियंत्रण संस्थांनी आणि केंद्र व राज्य सरकारने या प्रकरणाची तातडीने चौकशी करण्याच्या संकेत दिले आहेत. मध्यप्रदेशात कोल्ड्रिफ या कफ सिरपसाठी गंभीर आरोप करण्यात आले आहेत. या प्रकरणात एका डॉक्टरला अटक करण्यात आली असून, १६ मुलांचा मृत्यू झाल्याचा दावा केला आहे.
कफ सिरप बंदीबाबत देखील इतर प्रकारचे कफ / सर्दीवर उपाय करणाऱ्या औषधांवर देखील बंदी घालण्याचे आदेश देण्यात आले आहेत. उदाहरणार्थ, NexTro‑DS या सिरपवर बंदी घालण्यात आली आहे.
सरकारी आदेशात, २ वर्षांखालील मुलांना कफ व सर्दीवर कोणतीही औषधे देऊ नयेत असा निर्देश देण्यात आला आहे. तसेच, औषध कंपन्यांना आणि डॉक्टरांना चेतावणी देण्यात आली आहे की, क्लोरफेनिरामाइन मलेट व फिनाइलफ्रिन एचसीएल या दोन रसायनांच्या वापरात विशेष काळजी घ्यावी.
वैद्यकीय तज्ज्ञांचे मत आहे की, लहान मुलांमध्ये खोकला-सर्दीचे बरेच प्रकार साधारणपणे स्वयंपूर्ण बरे होतात, आणि अशा स्थितीत कफ सिरप उपयोग करताना गंभीर धोका संभवतो. या घटनेने आरोग्य सुरक्षा व औषध नियंत्रणाची गंभीर कमतरता अधोरेखित केली आहे. दोषींवर लवकर कारवाई व्हावी, अशी मागणी होत आहे.
Web Summary : A toddler in Nagpur died after consuming Coldrif cough syrup. Concerns rise as similar incidents occurred in Madhya Pradesh. Investigations are underway, focusing on drug safety and regulatory oversight. Experts advise caution with cough syrups for young children.
Web Summary : नागपुर में कोल्ड्रिफ कफ सिरप पीने से एक बच्ची की मौत हो गई। मध्य प्रदेश में भी ऐसी घटनाएं हुई हैं। दवा सुरक्षा और नियामक निरीक्षण पर ध्यान केंद्रित करते हुए जांच चल रही है। विशेषज्ञ छोटे बच्चों के लिए कफ सिरप के साथ सावधानी बरतने की सलाह देते हैं।