शहरं
Join us  
Trending Stories
1
गुप्तचर यंत्रणेतील त्रुटी; पहलगाम दहशतवादी हल्ल्याबाबत सरकारने मान्य केली चूक, म्हणाले...
2
"पहलगाम दहशतवादी हल्यामागे पाक असेल तर..."; पाकिस्तानच्या उलट्या बोंबा, मंत्री इशाक डार म्हणाले...
3
"आक्रमण...!" पहलगाम दहशतवादी हल्ल्यानंतर भारतीय हवाई दलाच्या लढाऊ विमानांनी आकाश दणाणलं, काय घडणार?
4
सर्वपक्षीय बैठक संपली, बाहेर येताच राहुल गांधीची पहिली प्रतिक्रिया; म्हणाले, “सरकारने आता...”
5
"...तर अर्जुन तेंडुलकर क्रिकेटमधला पुढचा ख्रिस गेल बनेल"; युवराज सिंगच्या वडिलांची मोठी भविष्यवाणी
6
"इन आतंकी कुत्तों को..."; पत्रकार परिषदेदरम्यान ओवेसींना अमित शाह यांचा फोन! काय झालं बोलणं?
7
पहलगाम दहशतवादी हल्ल्यानंतर दोन दिवसांत महाराष्ट्रातील ५०० पर्यटक राज्यात परतले!
8
VIDEO: ना हात मिळवले, ना गेट उघडले; पहलगाम हल्ल्यानंतर अटारी-वाघा बॉर्डरवर बदलली रिट्रीट सेरेमनी
9
"लोकांच्या टॅक्समधून विमानसेवा; तुम्ही घरून पैसे भरले नाहीत"; नरेश म्हस्केंवर रोहिणी खडसेंची टीका
10
श्रीनगर येथे DCM एकनाथ शिंदे सक्रीय, १८४ जणांना सुखरूप पाठवले; जखमींची केली विचारपूस
11
आता ना LOC, ना...! काय आहे शिमला करार, जो रद्द करण्याची धमकी देतोय पाकिस्तान? भारताच्या पथ्थ्यावर?
12
मस्तच! कडू लागणाऱ्या 'डार्क चॉकलेट'चे गोड आरोग्यदायी फायदे; वजन कमी करायचं असेल तर...
13
पहलगाम हल्ला: दिल्लीत सर्वपक्षीय बैठक, ठाकरे गटाचे नेते गैरहजर; पत्र पाठवले अन् म्हणाले...
14
"Today I Say to the Whole World..."; बिहारच्या भाषणात PM मोदी इंग्रजी का बोलले? यामागे आहे खास कारण
15
“अचानक गोळीबार झाला, २ लहान मुले सोबत होती अन्....”; देवदूत ठरला गाइड, ११ जणांचे जीव वाचवले
16
चुकून सीमा ओलांडून पाकिस्तानात पोहोचला बीएसएफ जवान; पाकिस्तानी रेंजर्सनी घेतले ताब्यात
17
“आता कलमा वाचायला शिकतोय, कधी कामी येईल माहिती नाही”: भाजपा खासदार निशिकांत दुबे
18
"अख्खं हॉटेल रिकामं, सकाळी ६ वाजता रुमचं दार वाजलं अन्...", कल्याणमधील जोडप्याचा जम्मू-काश्मीरमधील भयावह अनुभव
19
Akshaya Tritiya 2025: सोन्याचे वाढते भाव पाहता अक्षय्य तृतीयेला सुवर्णदान शक्य नाही? करा 'या' पाच वस्तूंचे दान!
20
न्यूजरूममध्ये डिबेटदरम्यान भूकंपाचे धक्के, तरीही टीव्ही अँकरनं काम सुरूच ठेवलं, आता होतेय चर्चा!

अतिवृष्टी झाल्यास नागपुरातील २२ झोपडपट्ट्यांना धोका

By लोकमत न्यूज नेटवर्क | Updated: July 24, 2021 21:02 IST

लोकमत न्यूज नेटवर्क नागपूर : तासभर जोराचा पाऊस झाला तर नागपूर शहरातील ७० ठिकाणी पाणी साचते. अतिवृष्टी झाली तर ...

ठळक मुद्देतासभराच्या जोराच्या पावसात शहरात ७० ठिकाणी पाणी साचते

लोकमत न्यूज नेटवर्क

नागपूर : तासभर जोराचा पाऊस झाला तर नागपूर शहरातील ७० ठिकाणी पाणी साचते. अतिवृष्टी झाली तर २२ झोपडपट्ट्यांना मोठ्या प्रमाणात धोका निर्माण होण्याची शक्यता आहे. महापालिकेच्या आपत्ती व्यवस्थापन आराखड्यात या धोकादायक ठिकाणांचा समावेश आहे. मात्र, त्या दृष्टीने प्रभावी उपाययोजना प्रशासनाच्या हाती नाहीत.

अतिवृष्टीमुळे गेल्या काही दिवसात मुंबईसह राज्यातील विविध भागात मोठे नुकसान झाले. १४ जुलै १९९४ मध्ये झालेल्या अतिवृष्टीमुळे नागपूर शहर पाण्याखाली आले होते. २०१८ मध्ये तर नागपुरातील पावसाळी अधिवेशन काळात विधिमंडळ इमारतीतच पाणी साचले होते. दोन आठवड्यापूर्वी ८ जुलै २०२१ रोजी झालेल्या पावसामुळे शहराच्या विविध भागात पाणी साचले होते. याचा विचार करता मुसळधार पाऊस झाल्यास नागपूर शहरातही गंभीर परिस्थिती निर्माण होण्याचा धोका नाकारता येत नाही.

पावसाचे पाणी वाहून जाणारी यंत्रणा नाही

सलग तासभर जोराचा पाऊस झाला तर शहरातील ७० ठिकाणी दोन फुटाहुन अधिक पाणी साचते. वाहतूक विस्कळीत होते. आजूबाजूच्या वस्त्यात पाणी शिरते. त्यात नव्याने बांधण्यात आलेले सिमेंट रोड जमिनीहून उंच आहे. बाजूला पावसाळी नाल्याची व्यवस्था योग्य प्रकारे नाही. पावसाळ्यापूर्वी पाणी वाहून जाणाऱ्या नाल्याची देखभाल व दुरुस्ती होत नाही. कचरा व गाळ साचून असल्याने पावसाचे पाणी तुंबत असल्याची माहिती अधिकाऱ्यांनी दिली.

अंडरब्रिजमध्ये पाणी साचते

नरेंद्र नगर आणि लोखंडी पुलाच्या खाली वर्र्षानुवर्षे पाणी साचण्याची समस्या आहे. असे असतानाही अलिकडे बांधलेल्या बांधलेल्या मनीषनगर, कॉटन मार्केट, झिंगाबाई टाकळी येथील पुलांबाबत काळजी घेण्यात आली नाही. जोराचा पाऊस आला की या मार्गावरील वाहतूक विस्कळीत होते.

२२ झोपडपट्ट्यांना धोका

शहरात नागनदी, पिवळीनदी व पोहरा नदींचा समावेश आहे. तर शहरात २२७ नाले वाहतात. नदी-नदी नाल्याच्या काठावर मोठ्या प्रमाणात झोपडपट्ट्या वसलेल्या आहेत. जोराचा पाऊस आला की यातील २२ झोपडपट्ट्यात पाणी शिरण्याचा धोका निर्माण होतो. यामुळे पावसाळ्याच्या दिवसात येथील नागरिकांच्या मनात कायम भीती असते.

अशी आहेत पाणी साचणारी ठिकाणे

रामदासपेठ, काचीपुरा झोपडपट्टी, धरमपेठ महाविद्यालयाच्या मागे, तेलंखेडी तलाव परिसर, गवळीपुरा धरमपेठ, पांढराबोडी, हजारी पहाड, आदर्शनगर, शांतिनगर, ताजनगर, आझादनगर, राणी दुर्गावती नगर, बौद्धनगर, पुनापूर, सूर्यनगर, नोगा कंपनी, आंबेडकर पुतळा (मानकापूर), मोतीबाग (माताटोळी), मोतीबाग भोसलेवाडी, वंजारा, पडोळे हॉस्पिटल चौक, नवभारत प्रेस वर्धारोड, नरेंद्र नगर पूल, कॉटन मार्केट पूल, कॉटन मार्केट भुयारी मार्ग, मनीषनगर भुयारी मार्ग, गांधीनगर, पावनभूमी, लोकांची शाळा (रेशीमबाग), नंदनवन, भुतेश्वर नगर, शिवाजीनगर (जुना लकडगंज), कुभारटोली, शास्त्रीनगर, पडोळेनगर, हिवरीनगर, संजय नगर, पंचशीलनगर चांभार नाला, फुलेनगर, झिंगाबाई टाकळी, गरीब नवाज नगर, यशोधनानगर, हमीद नगर, गुलशन नगर, संतोषनगर, बालाजीनगर झोपडपट्टी, सक्करदरा तलाव झोपडपट्टी, राणी भोसलेनगर झोपडपट्टी, गोवा कॉलनी (गड्डीगोदाम), कामगार नगर,नारा, चुनाभट्टी, उज्ज्वल नगर, एम्प्रेस मिल कॉलनी, नरेंद्रनगर अग्शिमन स्थानकासमोर, झांशी राणी चौक, मानस चौक, गीता मंदिर सुभाषनगर, जवाहर सिमेंट रोड, रेशीमबाग चौक, गीतांजली सिनेमा गृहाजवळ, बडकस चौक, गड्डीगोदाम चौक, तिरपुडे कॉलेज समोर, संगम रेस्टॉरन्ट मेडिकल चौक, विदर्भ शाळा ओमनगर.

टॅग्स :Rainपाऊसnagpurनागपूर