नुकत्याच झालेल्या महानगरपालिका निवडणुकीत भाजपाच्या अनेक जागा बिनविरोध निवडून आल्या होत्या. त्यावरून मोठा वादही निर्माण झाला होता. मात्र आता राज्यात होत असलेल्या जिल्हा परिषद आणि पंचायत समितीच्या निवडणुकांमध्येही बिनविरोधच्या माध्यमातून भाजपाचं खातं उघडलं आहे. कोकणातील सिंधुदुर्ग जिल्ह्यात भाजपाच्या पंचायत समितीच्या दोन जागा बिनविरोध निवडून आल्या आहेत. वैभववाडी तालुक्यातील कोकिसरे आणि कणकवली तालुक्यातील बिडवाडी या पंचायत समितीच्या गणांमधून भाजपाच्या उमेदवारांची बिनविरोध निवड निश्चित झाली आहे.
त्यापैकी वैभववाडी तालुक्यातील कोकिसरे पंचायत समिती गणामध्ये भाजपाच्या साधना नकाशे यांनी अधिकृतपणे उमेदवारी अर्ज दाखल केला आहे. त्यांच्यासोबतच भाजपाच्या अक्षता डाफळे यांनीही उमेदवारी अर्ज दाखल केला आहे. या दोन अर्जांव्यतिरिक्त कुणीही उमेदवारी अर्ज दाखल केलेला नसल्याने अर्ज माघारीची प्रक्रिया सुरू झाल्यावर कोकिसरेमधून भाजपाच्या उमेदवाराचा बिनविरोध विजय जवळपास निश्चित आहे.
तर कणकवली तालुक्यामधील बिडवाडी पंचायत समितीच्या गणामध्येही भाजपाच्या उमेदवाराची बिनविरोध निवड निश्चित झाली आहे. बिडवाडीमध्ये भाजपाच्या उमेदवार संजना राणे यांनी उद्धवसेनेच्या उमेदवार विद्या शिंदे यांना २०१४ नंतर तीन अपत्ये झाली असल्याचा मुद्दा उपस्थित करत हरकत घेतली. त्यानंतर निवडणूक निर्णय़ अधिकाऱ्यांनी विद्या शिंदे यांचा उमेदवारी अर्ज अवैध ठरवला. त्यामुळे भाजपाच्या संजना राणे यांचा विजयही निश्चित झाला आहे. त्यामुळे उमेदवारी अर्ज मागे घेण्याची प्रक्रिया संपण्यापूर्वीच भाजपाच्या खात्यात दोन जागा जमा झाल्या आहेत.
Web Summary : BJP secured initial wins in ZP, Panchayat Samiti elections with two unopposed victories in Sindhudurg's Kokisare and Bidwadi. Nominations of rivals were rejected.
Web Summary : भाजपा ने ZP, पंचायत समिति चुनावों में शुरुआती जीत हासिल की, सिंधुदुर्ग के कोकिसरे और बिडवाड़ी में दो निर्विरोध जीतें मिलीं। प्रतिद्वंद्वियों के नामांकन खारिज कर दिए गए।