लोकमत न्यूज नेटवर्क, मुंबई: मुंबईसह राज्यभरातील जिल्ह्यांना एप्रिल आणि मे महिन्यात उष्णतेच्या लाटांचा चटका बसेल, असा इशारा हवामान खात्याकडून देण्यात आला असतानाच आता ७ एप्रिलपर्यंत विदर्भ, पश्चिम महाराष्ट्रासह मराठवाड्यातील काही जिल्ह्यांत अवकाळी पावसाच्या सरी कोसळतील, अशी शक्यता वर्तविण्यात आली आहे.
भारतीय हवामानशास्त्र विभागाकडून मिळालेल्या माहितीनुसार, ७ एप्रिलपर्यंत राज्यातील काही जिल्ह्यांना यलो अलर्ट देण्यात आला आहे. ४ एप्रिल रोजी विदर्भातील नागपूर, भंडारा, गोंदिया, चंद्रपूर आणि गडचिरोली तर ५ एप्रिल रोजी गोंदिया, चंद्रपूर आणि गडचिरोली जिल्ह्यांना यलो अलर्ट दिला आहे.