जळगाव: देशभरात निवडणूक निकालाची धामधूम सुरू आहे. सर्वांचे लक्ष पश्चिम बंगालमधील विधानसभा निवडणूक निकालाकडे (West Bengal Election Result 2021) लागले आहे. तृणमूल काँग्रेसचा विजय निश्चित झाला असून, यावर आता राजकीय वर्तुळातून प्रतिक्रिया येऊ लागल्या आहेत. देशातील अनेक नेत्यांनी ममता बॅनर्जी यांचे केले आहे. मात्र, भाजपच्या एका खासदाराने पश्चिम बंगालमध्ये भाजपच्या एवढ्या जागा येणे, ही फार मोठी गोष्ट असल्याचे म्हटले आहे. (west bengal election result 2021 bjp raksha khadse react on bengal election result)
पश्चिम बंगालमधील कल स्पष्ट होत असताना अनेक नेत्यांनी प्रतिक्रिया व्यक्त केल्या आहेत. यातच आता भाजप खासदार रक्षा खडसे यांनीही आपले मत व्यक्त केले आहे. पश्चिम बंगालमध्ये भारतीय जनता पक्षाच्या एवढ्या जागा येणे ही फार मोठी गोष्ट आहे. कारण पश्चिम बंगालमध्ये ममता बॅनर्जी यांचे राज्य होते. त्यांना चॅलेंज करून आम्हाला जास्त जागा मिळवता आल्या. एका प्रकारे बंगालमध्ये भाजपाचे यशच म्हणावे लागेल, असे रक्षा खडसे यांनी म्हटले आहे.
“भाजपने बंगाल निवडणूक प्रतिष्ठेची केली, पण जनतेने सत्तेपासून दूर ठेवलं”
मोदींची लोकप्रियता घटली
पंतप्रधान नरेंद्र मोदी यांची लोकप्रियता आणि भाजपची लोकप्रियता होती, ती आता कुठेतरी घसरल्याची दिसते. पश्चिम बंगालची निवडणूक भाजपने अत्यंत प्रतिष्ठेची केली होती. पश्चिम बंगालच्या प्रचारासाठी पंतप्रधान नरेंद्र मोदी, अमित शहा व भाजपाचे देशभरातील प्रमुख पदाधिकारी तिथे गेले होते. या ना त्या प्रकारे पश्चिम बंगालमध्ये आपली सत्ता स्थापन करावी, यासाठी भाजपा मैदानात उतरली होती. मात्र, पश्चिम बंगालच्या जनतेने पुन्हा एकदा तृणमूल काँग्रेसच्या ममता बॅनर्जी यांच्यावर विश्वास व्यक्त केला आहे. त्यांनी भाजपाला सत्तेपासून जनतेने दूर ठेवले आहे, असे एकनाथ खडसे म्हणाले.
कोरोनाने केलं पराभूत, मात्र मतदारांनी जिंकवलं; तृणमूलचा मयत उमेदवार आघाडीवर
दरम्यान, भाजप आणि तृणमूलमध्ये जोरदार टक्कर होईल असा अंदाज वर्तवण्यात येत होता. दोन दिवसांपूर्वी मतदान संपल्यानंतर आलेले एक्झिट पोल्सचे आकडे हेच दाखवत होते. पण प्रत्यक्षात मुख्यमंत्री ममता बॅनर्जींनी एकहाती लढत देत भाजपचे सत्ताबदलाचे मनसुबे धुळीस मिळवले. ममता बॅनर्जींचा तृणमूल पक्ष सध्या २०० पेक्षा अधिक मतदारसंघांत आघाडीवर असल्याने सर्व एक्झिट पोल्स चुकले आहेत. एकाही एक्झिट पोल्सने ममतांच्या पक्षाला २०० पेक्षा अधिक जागा मिळतील आणि भाजप १०० च्या खाली राहील असा अंदाज वर्तवलेला नव्हता.