सांगली : राष्ट्रवादी, काँग्रेस, शिवसेना एकत्र आल्यावर काय घडते, हे या निकालाने दाखवून दिले. राज्यातील शेतकरी, कष्टकरी, कामगार, मध्यमवर्गीय यांच्यासोबत उच्चशिक्षित मतदारदेखील आमच्यासोबत ठामपणे उभे आहेत, हेच निकालातून सिद्ध होते, अशी प्रतिक्रिया राष्ट्रवादीचे प्रदेशाध्यक्ष व जलसंपदा मंत्री जयंत पाटील यांनी शुक्रवारी दिली.
हा विजय मी महाविकास आघाडीसाठी कष्ट घेणाऱ्या कार्यकर्त्यांना व मतदारांना समर्पित करतो. महाराष्ट्रात शिवसेना, राष्ट्रवादी, कॉंग्रेस एकत्र आल्यानंतर काय होते, हेसुद्धा या निकालाने दाखवून दिले. महाविकास आघाडीतील तिन्ही पक्षातील व मित्रपक्षातील सर्व कार्यकर्ते, पदाधिकाऱ्यांचे तसेच महाराष्ट्रातील जनतेचे मी आभार मानतो.