Vasant More In Thane: राज ठाकरेंची ब्लू प्रिंट पहायची असेल तर कात्रजला या; वसंत मोरे ठाण्यात गरजले

Vasant More full Speech In Thane: पुण्यात एक अँम्बॅसिडरची काच फुटली, महाराष्ट्रात त्याचा आवाज घुमला. लोकांना संकटात मनसेवाले आठवतात, मग निवडणुकीवेळी का नाही, असा सवाल त्यांनी केला.

राज ठाकरेंनी पाडव्याला मशीदींवरील भोंग्यांविरोधात भूमिका मांडली. या भूमिकेवर जाहीर टीका करणारे पुण्याचे नगरसेवक वसंत मोरे यांनी मनसेच्या ठाण्यातील उत्तर सभेची सुरुवात केली. यावेळी त्यांनी कोरोना काळात मनसेने काय काय केले, लोकांना तेव्हा मनसे का आठवली, निवडणुकीवेळी का आठवत नाही, असे सांगत नाराजी व्यक्त केली. मात्र, मशीदीच्या भोंग्यावरील भूमिकेवर बोलणे त्यांनी टाळले. 

पुण्यात मनसेने काम केले. गोरगरीबांना फायनान्स, बँका वाल्यांनी त्रास देण्यास सुरुवात केली. अशावेळी मनसेची दारे उघडी होती. लोकांना फायनान्स वाला, बँकेवाला दारात आला की मनसेवाला आठवतो. जेव्हा निवडणुका लागतात तेव्हा मनसेवाला कुठे जातो, तेव्हा का नाही मनसेवाला आठवत, असा प्रश्न उपस्थित केला. 

राज ठाकरेंची गेल्या तीन महिन्यांपासून तब्येत बिघडलेली आहे. साहेबांना त्रास होतोय हे मी काल पाहिले. त्यांना एकेक पायरी चढण्यासाठी त्रास होत होता. ब्लू प्रिंट साहेबांनी आणली, पुण्यात मनसेचे आम्ही दोनच नगरसेवक आहोत. ती ब्लू प्रिंट कशी राबविली हे कात्रजमध्ये येऊन पहा. शंभरावर नगरसेवकांना जे जमले नाही ते आम्ही दोघांनी केले. पालिकेचा पुरस्कारही मनसेच्या नगरसेवकाला मिळाला, असे वसंत मोरे म्हणाले. 

घरचं लग्नकार्य सोडून वसंत मोरे ठाण्याला; राज ठाकरेंच्या सभेला हजर

सोळा वर्षांमध्ये १६ गार्डन करणारा मी एकमेव नगरसेवक. मला पुरस्कार देताना चंद्रकांत पाटील आणि सुप्रिया सुळे होत्या. पाटील म्हणाले, तुम्ही भाजपात या, नगरसेवक व्हाल, तेव्हा मी त्यांना उत्तर दिले, मी गेली १५ वर्षे भाजपाच्याच नगरसेवकांना पाडून नगरसेवक होतोय, असा किस्साही त्यांनी सांगितला. 

दम असेल तर राज ठाकरेंना जेलमध्ये टाकून बघा; राजू पाटील यांचं अबू आझमींना 'ओपन चॅलेंज'

गेल्या चार पाच दिवसांत तुम्ही पाहिले असेल. महाराष्ट्रात एकही पक्ष राहिला नाही ज्याने मला ऑफर दिली नाही. अमेरिकेतील लोकही आपल्याला तिकडे बोलवून घेतील एवढी मनसेचे नगरसेवक कामे करतात, जी काही उत्तरे द्यायची ती राज ठाकरे देतील. माझ्या एकनिष्ठेला तुम्ही जो पाठिंबा दिलात त्याबद्दल मी तुमचा आभारी आहे. असे ते म्हणाले.