Maharashtra Politics: “झुकेगा नही घुसेगा साला, हा डायलॉग भारीच होता, पण...”; सुषमा अंधारेंचा फडणवीसांना टोला

Maharashtra News: देवेंद्र फडणवीसांनी केलेल्या टीकेला सुषमा अंधारेंनी प्रत्युत्तर दिले.

Maharashtra Politics: ठाण्यात ठाकरे गटाच्या महिला पदाधिकाऱ्यांना झालेल्या मारहाणीवरून राजकीय वातावरण चांगलेच तापले आहे. ठाकरे गट आक्रमक झाला असून, शिंदे गटासह भाजपवर सडकून टीका केली. याला भाजपकडूनही जोरदार प्रत्युत्तर देण्यात आले. मात्र, देवेंद्र फडणवीस यांनी टीकेला उत्तर देताना केलेल्या विधानांवरून आता ठाकरे गटाच्या उपनेत्या सुषमा अंधारे यांनी ट्विट करून पलटवार केला आहे. 

राहुल गांधी सावरकरांचा अपमान करतात आणि उद्धव ठाकरे त्यांच्या मांडीला मांडी लावून बसतात. काय होतास तू, काय झालास तू, असा कसा वाया गेलास तू ? उद्धव मला फडतूस गृहमंत्री म्हणतात, मात्र मी फडतूस नाही काडतुस आहे. झुकेगा नही तो घुसेगा, या शब्दात उपमुख्यमंत्री देवेंद्र फडणवीस यांनी शिवसेना पक्षप्रमुख उद्धव ठाकरे यांच्यावर हल्लाबोल केला. यावरून आता सुषमा अंधारे यांनी पलटवार केला. 

झुकेगा नही घुसेगा साला, हा डायलॉग भारीच होता, पण...

"झुकेगा नही घुसेगा साला" हा डायलॉग भारीच होता पण 2016 पासून तुमच्या घरात एक बाई घुसली आणि तुमच्याच पत्नी वर स्पायिंग करत होती हे तुम्हाला 7वर्षे कळले नाही आणि तुम्ही घुसायच्या बाता कराव्यात हे काय पटत नाही राव !!, असे ट्विट सुषमा अंधारे यांनी केले आहे. 

दरम्यान, तुम्ही ठाकरे परिवारातील सदस्याला काय म्हणालात, कोणत्या शब्दात बोललात, ते महाराष्ट्र कधीच विसरणार नाही. ईडी, सीबीआय भाजपाचे बॉडीगार्ड आहे. ईडी, सीबीआय बाजूला ठेवा, मग काडतूसचा अर्थ सांगतो. तुमचे काडतूस भिजलेले आहे, ते उडत नाही. तुम्ही झुकेगा नही, म्हणताय, मात्र तुम्ही झुकलेलेच आहात. शिंदेसोबत काम करायला लागणे म्हणजे झुकणेच आहे. ज्याला नीट वाचता येत नाही, अशा व्यक्तीसोबत तुम्ही काम करताय, अशी घणाघाती टीका संजय राऊत यांनी केली.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"