Sunil Tatkare Suentra Pawar: उपमुख्यमंत्री सुनेत्रा पवार यांच्या दिल्ली दौऱ्याकडे महाराष्ट्रातील राजकीय वर्तुळाचे लक्ष लागले. अजित पवारांच्या निधनानंतर आता सुनेत्रा पवार यांच्याकडेच पक्षाची आली आहे. राष्ट्रीय अध्यक्षपदाची जबाबदारी घेण्याची केवळ औपचारिकता असल्याचे बोलले जात असून, अशातच त्यांनी दिल्लीत पंतप्रधान नरेंद्र मोदी आणि केंद्रीय गृहमंत्री अमित शाह यांची भेट घेतली. त्यांनी राज्यसभेच्या सदस्यत्वाचा राजीनामा दिल्याचेही चर्चा सुरू झाली. पण, ही चर्चा प्रदेशाध्यक्ष सुनील तटकरे यांनी फेटाळून लावली.
सुनेत्रा पवार यांनी राज्यसभेचे सभापती राधाकृष्णन यांची भेट घेतली आहे. त्यांनी राज्यसभेच्या सदस्यत्वाचा राजीनामा दिला आहे का? असा प्रश्न सुनील तटकरे यांना विचारण्यात आला होता.
सुनेत्रा पवारांनी राज्यसभेचा राजीनामा दिला की नाही?
सुनील तटकरे म्हणाले, "सुनेत्रा पवार यांनी राजीनामा दिलेला नाही. राजीनामा देण्याचा विषयही त्याठिकाणी झाला नाही. कारण उपराष्ट्रपती हेच राज्यसभेचे सभापती असल्यामुळे त्यांची भेट घेणे, हा आजच्या दौऱ्यातील भाग होता."
"कुठल्याही व्यक्तीला राज्याचा किंवा देशाचा मंत्री होत असताना सहा महिने त्या सभागृहाचा सदस्य होण्याचा वेळ असतो. अशा वेळी इतर सभागृहाचे सदस्यत्व त्याच्याकडे असेल, तर ते कायद्याने ठेवता येते. उदाहरण बघायचं तर अजित पवार १९९१ मध्ये लोकसभेचे सदस्य झाले. त्यावेळी शरद पवार हे देशाचे संरक्षण मंत्री झाले", असे कारण सुनील तटकरे यांनी सांगितले.
सुनील तटकरे पुढे म्हणाले की, "अजित पवार त्यावेळी राज्यामध्ये सुधाकरराव नाईक यांच्या मंत्रिमंडळात मंत्री झाले होते. त्यावेळी अजित पवार लोकसभेचे सदस्य होते. असे अनेक उदाहरणे आहेत. त्या कुटुंबाशी निगडित असल्यामुळे अजित पवारांचे उदाहरण दिले."
राष्ट्रवादी (शरद पवार) एनडीएमध्ये येत असेल तर विलिनीकरण करणार का?
दिल्लीत माध्यमांशी बोलताना राष्ट्रवादी काँग्रेस (अजित पवार) पक्षाचे प्रदेशाध्यक्ष सुनील तटकरे म्हणाले, "जर तर वरती मी कसं बोलणार? २०१९ किंवा २०१४ पासून भाजपासोबत सरकारमध्ये असावे, अशी अजित पवारांची भूमिका होती. राष्ट्रवादी काँग्रेसच्या बैठकांमध्ये अजित पवारांनी स्पष्टपणे ती भूमिका मांडली होती. २०१९ मध्ये देवेंद्र फडणवीस आणि अजित पवारांचा शपथविधीही झाला होता."
"२०२३ मध्ये वारंवार पक्षात चर्चा होऊनही भाजपासोबत जाण्याचा निर्णय होत नव्हता. त्यावेळी आम्ही एनडीएमध्ये सामील झालो. तो पुढच्या काळातही आम्ही एनडीएमध्ये राहणार आहोत", असे सांगत तटकरेंनी विलिनीकरणाच्या मुद्द्यावर बोलणंच टाळलं.
Web Summary : Sunetra Pawar's Delhi visit sparked resignation rumors, denied by Sunil Tatkare. Her meeting with the Vice President, who heads the Rajya Sabha, was part of the visit. Tatkare cited precedents where ministers held concurrent legislative memberships.
Web Summary : सुनेत्रा पवार की दिल्ली यात्रा से इस्तीफे की अफवाहें उड़ीं, सुनील तटकरे ने खंडन किया। उपराष्ट्रपति, जो राज्यसभा के प्रमुख हैं, के साथ उनकी मुलाकात यात्रा का हिस्सा थी। तटकरे ने ऐसे उदाहरण बताए जहां मंत्रियों के पास एक साथ विधायी सदस्यताएँ थीं।