Sharad Pawar News: अजित पवार यांचे विमान अपघातात निधन झाले, तो आघात आम्हा सगळ्यांवर झाला आहे. या परिस्थितीत लोकांचे दु:ख कमी करण्यासाठी काळजी घ्यावी लागेल. त्यांची काम करण्याची जी पद्धत होती, ती सुरू ठेवावी लागेल, हे काम आमच्या कुटुंबातील नवीन पिढी नक्की करेल हा विश्वास नक्की आहे, असे राष्ट्रवादी काँग्रेसशरद पवार गटाचे प्रमुख शरद पवार यांनी म्हटले आहे.
शरद पवार पत्रकार परिषदेत बोलत होते. अजित पवार यांच्याबद्दल ते भरभरून बोलले. अजित पवार हा कर्तुत्ववान नेता होताच. पण त्यांचे आणखी एक वैशिष्ट्य होते, ते म्हणजे दैनंदिन कामाची सुरुवात सकाळी ६-७ वाजल्यापासून करायचे. आता हयात असते तर घरी दिसले नसते फिल्डवर दिसले असते. हे त्यांचे वैशिष्ट्य आहे. कर्तृत्वान नेते सोडून जाणे हा महाराष्ट्रावर मोठा आघात आहे. यानंतर आता आम्हा लोकांची काही जबाबदारी आहे. नव्या पिढीची जास्त आहे. नवीन पिढी या आव्हानाला सामोरी जाईल, असे विश्वास शरद पवारांनी व्यक्त केला.
४ महिने NCP विलीनीकरण चर्चा, १२ तारखेला घोषणा होणार होती
दोन्ही राष्ट्रवादी काँग्रेस पक्षात सुसंवाद राहायला हवा, यासाठी चर्चा सुरू होती आणि ती सकारात्मक होती. दोन्ही राष्ट्रवादी काँग्रेसने एकत्र येण्याबाबत गेले चार महिने चर्चा सुरू होती. या चर्चेचे नेतृत्व अजित पवार आणि जयंत पाटील हे करत होते. सगळ्या चर्चा या दोघांनी केल्या. परंतु, आता यामध्ये खंड पडलेला आहे, असे चित्र दिसत आहे, असा मोठा खुलासा शरद पवार यांनी केला.
दरम्यान, मला एवढे माहिती आहे की, आमच्या पक्षाने आणि अजित पवार यांच्या पक्षाने एकत्र काम करण्याची प्रक्रिया सुरू करावी, यावर एकमत होते. १२ तारखेला याबाबत निर्णय जाहीर करायचा होता, असेही शरद पवार यांनी सांगितले.
Web Summary : Sharad Pawar spoke of Ajit Pawar's dedication and the void his loss creates. Discussions for NCP unification were underway, led by Ajit and Jayant Patil, with a decision planned for the 12th. Pawar expressed confidence in the new generation to carry forward the work.
Web Summary : शरद पवार ने अजित पवार के समर्पण और उनकी क्षति से हुई रिक्ति के बारे में बात की। अजित और जयंत पाटिल के नेतृत्व में राकांपा के एकीकरण पर चर्चा चल रही थी, और 12 तारीख को निर्णय की योजना थी। पवार ने नई पीढ़ी में काम को आगे बढ़ाने का विश्वास जताया।