2019 मध्ये शरद पवार होऊ शकतात पंतप्रधान, देशाच्या राजकारणात आजही पवार नावाचा दबदबा

देशाच्या राजकारणात आजही शरद पवार या नावाचा दबदबा असून, त्यांच्या शब्दाला वजन आहे. पंतप्रधान नरेंद्र मोदीही सभागृहात पवार साहेबांना मान देतात.

ठळक मुद्देगुजरातमध्ये सत्ताधारी भाजपाची स्थिती बिकट असून पंतप्रधान व अमित शहांना गल्लोगल्ली सभा घेण्याची वेळ आलेली आहे. गुजरातमध्ये आम्ही काँग्रेससोबत आघाडी करायला तयार आहोत.

मुंबई - आणखी दोन वर्षांनी  2019 साली लोकसभेची निवडणूक होणार आहे. ते वर्ष आपल्या राष्ट्रवादी काँग्रेस पक्षाला लाभदायक ठरेल. त्यावर्षी शरद पवार देशाचे पंतप्रधान होऊ शकतात असं महत्वपूर्ण विधान राष्ट्रवादी काँग्रेसचे नेते प्रफुल्ल पटेल यांनी केलं आहे. ते रायगड जिल्ह्यातील कर्जतमध्ये चिंतन बैठकीत बोलत होते. 

देशाच्या राजकारणात आजही शरद पवार या नावाचा दबदबा असून, त्यांच्या शब्दाला वजन आहे. पंतप्रधान नरेंद्र मोदीही सभागृहात पवार साहेबांना मान देतात असे प्रफुल्ल पटेल यांनी म्हटले आहे. आगामी गुजरात विधानसभा निवडणुकीवरुनही त्यांनी भाजपावर जोरदार टीका केली. टि्वटरवरुन त्यांनी भाजपावर हल्लाबोल केला. 

देशाच्या राजकारणात @PawarSpeaks साहेबांचा दबदबा, शब्दाला वजन; पंतप्रधानही सभागृहात पवार साहेबांना मान देतात. - @praful_patel#ChintanBaithak

— NCP (@NCPspeaks) November 6, 2017

 

गुजरातमध्ये सत्ताधारी भाजपाची स्थिती बिकट असून पंतप्रधान व अमित शहांना गल्लोगल्ली सभा घेण्याची वेळ आलेली आहे. ही परिस्थिती लज्जास्पद आहे अशी टीका पटेल यांनी केली. ज्या गुजरातचा विकास दाखवून मोदी पंतप्रधान झाले त्या गुजरातमध्ये शेतकरी आज हवालदिल झाला आहे असे टि्वट पटेल यांनी केले आहे. गुजरातमध्ये आम्ही काँग्रेससोबत आघाडी करायला तयार आहोत. वेगळ लढण्यामध्ये नुकसान दोघाचं आहे असे पटेल यांचे मत आहे. 

गुजरातमध्ये सत्ताधारी भाजपची परिस्थिती बिकट; पंतप्रधान व अमित शहांना गल्लोगल्ली सभा घेण्याची वेळ, ही परिस्थिती लज्जास्पद - @praful_patel

— NCP (@NCPspeaks) November 6, 2017

ज्या गुजरातचा विकास दाखवून मोदी पंतप्रधान झाले, त्या गुजरातमधील शेतकरी आज हवालदिल; ते शेतकरी @PawarSpeaks साहेबांना मानतात - @praful_patel

— NCP (@NCPspeaks) November 6, 2017

गेल्या ३-४ महिन्यात सरकारविरोधी वातावरण, नोटबंदीबाबत लोकांमध्ये नाराजी, #GST मुळे व्यावसायिकांचे मोठे नुकसान - @praful_patel#ChintanBaithak

— NCP (@NCPspeaks) November 6, 2017

गुजरातमध्ये काँग्रेससोबत जाण्यासाठी आम्ही चर्चेला तयार आहोत. वेगळे लढण्यात नुकसान दोघांचेही आहे. - @praful_patel#ChintanBaithak#Karjatpic.twitter.com/GnsuDXzELj

— NCP (@NCPspeaks) November 6, 2017