यंत्रमाग महामंडळावरील तुपकरांची निवड रद्द

यंत्रमाग महामंडळाचे अध्यक्ष रविकांत तुपकर यांची नियुक्ती मुंबई उच्च न्यायालयाने रद्दबातल ठरविली आहे.

बुलडाणा : यंत्रमाग महामंडळाचे अध्यक्ष रविकांत तुपकर यांची नियुक्ती मुंबई उच्च न्यायालयाने रद्दबातल ठरविली आहे. तुपकर यांच्या नियुक्तीला महामंडळाचे माजी अध्यक्ष तथा काँग्रेसचे नेते चंद्रकांत दायमा यांनी आव्हान दिले होते.
राज्य सरकारने तुपकर यांची १३ मे रोजी यंत्रमाग महामंडळाच्या अध्यक्षपदावर निवड केली होती. या निवडीला आव्हान देत दायमा यांनी सदर निवड ही कायदेशिरबाबीचे पालन करुन झालेली नसल्याचे न्यायालयाच्या निदर्शनास आणून दिले. यानुसार न्या. अभय ओक आणि रेवती मोहिते-ढेरे यांच्या खंडपीठाने तुपकर यांची ही निवड रद्द केली आहे. या संदर्भात कायद्यातील तरतुदींनुसारच नवी निवड केली जाईल, असे आश्वासन राज्य सरकारने न्यायालयाला दिले आहे.