राम मंदिर राजकीय नव्हे; देशाच्या अस्मितेचा प्रश्न - संजय राऊत

राम मंदिर हा कोणत्या पक्षाचा किंवा राजकीय नव्हे तर तो देशाच्या अस्मितेचा प्रश्न आहे, असे प्रतिपादन शिवसेनेचे खा़ संजय राऊत यांनी केले. 

पंढरपूर : राम मंदिर हा कोणत्या पक्षाचा किंवा राजकीय नव्हे तर तो देशाच्या अस्मितेचा प्रश्न आहे, असे प्रतिपादन शिवसेनेचे खा़ संजय राऊत यांनी केले. पंढरपुरातील चंद्रभागा मैदानावर शिवसेना पक्षप्रमुख उद्धव ठाकरे यांची २४ डिसेंबर रोजी सभा होणार आहे़ त्यानिमित्त ते शुक्रवारी पंढरपुरात आले होते़ पत्रकारांशी बोलताना ते म्हणाले, राम मंदिरासाठी उद्धव ठाकरे यांनी अयोध्येत सभा घेतली़ त्याला चांगला प्रतिसाद मिळाला़ याची देशाने दखल घेतली़ त्यानंतर दक्षिण काशी समजल्या जाणाऱ्या पंढरपुरात महासभा होणार आहे़ या सभेला राज्यातील शिवसैनिकांसह साधू, संत, महाराज, मठाधिपती येणार आहेत़ शिवसेनेला धार्मिक अधिष्ठान लाभलेले आहे़ राममंदिर हा हिंदंूच्या अस्मितेचा विषय आहे़ हे मंदिर व्हावे ही शिवसेनेची भूमिका आहे़