नागपूर जिल्ह्यातील खापरखेडा येथे प्रेम प्रकरणातून एक धक्कादायक घटना घडली आहे. येथे एका महिलेनं तिच्या पतीसोबत मिळून प्रियकराची हत्या केल्याचे उघडकीस आले आहे. हा तरुण होळी साजरी करण्यासाठी गावी आला असताना या महिलेनं त्याला भेटण्यासाठी बोलावले. त्यानंतर पतीसोबत मिळून धारदार शस्त्राने वार करत त्याची हत्या केली. या हत्येच्या घटनेमुळे परिसरात खळबळ उडाली असून, पोलिसांनी तपासाची सूत्रे वेगाने फिरवत आरोपी पती पत्नीला अटक केली आले.
याबाबत मिळालेल्या अधिक माहितीनुसार सागर वानखेडे असे हत्या झालेल्या तरुणाचे नाव आहे. तर राजू गजभिये आणि सोनाली गजभिये अशी आरोपी पती-पत्नीची नावे आहेत. मृत सागर वानखेडे आणि आरोपी महिला सोनाली गजभिये यांचे लग्नाआधीपासून प्रेम प्रकरण सुरू होते. तसेच लग्नानंतरही दोघेही एकमेकांच्या संपर्कात होते. याचदरम्यान, होळीनिमित्त सागर वानखेडे हा गावी आला होता. तेव्हा सोनाली जगभिये हिने त्याला भेटण्यासाठी बोलावले.
सोनालीने बोलावल्यानुसार सागर हा आज सकाळी १०च्या सुमारास भेटण्यासाठी आला. त्यानंतर दोघेही दुचाकीवरून निघाले. यादरम्यान, पर्स खाली पडल्याचे नाटक करून सोनालीने दुचाकी थांबवायला लावली. तसेच संधी साधून लपवून आणलेल्या चाकूने सागरवर वार केले. तेवढ्यात सोनालीचा पती राजू हा सुद्धा तिथे पोहोचला आणि त्याने सागरवर चारूने सपासप वार करत त्याला गंभीर जखमी केले. त्यामुळे सागरचा जागीच मृत्यू झाला.
दरम्यान, आरोपी राजू आणि सोनाली गजभिये हे आत्मसमर्पण करण्यासाी पोलीस ठाण्यात जात असताना पोलिसांनी त्यांना वाटेतच पकडले. तसेच पोलिसांनी केलेल्या चौकशीमध्ये त्यांनी आपला गुन्हा कबुल केला. या प्रकरणी पोलीस अधिक तपास करत आहेत.
Web Summary : In Nagpur, a woman and her husband murdered her former lover. The woman lured him to a meeting, where they fatally attacked him with knives. Police have arrested the couple; investigation ongoing.
Web Summary : नागपुर में एक महिला और उसके पति ने उसके पूर्व प्रेमी की हत्या कर दी। महिला ने उसे मिलने के लिए बुलाया, जहाँ उन्होंने चाकू से हमला कर उसकी हत्या कर दी। पुलिस ने दंपति को गिरफ्तार कर लिया है; जांच जारी है।