दिवंगत नेते प्रमोद महाजन यांचे बंधू प्रकाश महाजन यांनी आपली पुढील राजकीय वाटचाल निश्चित केली आहे. मनसेला सोडचिठ्ठी दिल्यानंतर प्रकाश महाजन आता शिंदेसेनेत प्रवेश कऱणार आहेत. प्रकाश महाजन हे शुक्रवारी एकनाथ शिंदे यांच्या उपस्थितीत शिंदेसेनेत प्रवेश कऱणार आहेत.
प्रकाश महाजन यांनी गुरुवारी शिंदेसेनेचे मुख्य नेते आणि राज्याचे उपमुख्यमंत्री एकनाथ शिंदे यांची भेट घेतली. दरम्यान, प्रकाश महाजन हे शुक्रवारी शिंदेसेनेमध्ये प्रवेश करतील, अशी माहिती सूत्रांनी दिली.
दरम्यान, मनसेमध्ये सक्रिय असलेल्या प्रकाश महाजन यांनी काही महिन्यांपूर्वी पक्षाचा राजीनामा दिला होता. पक्षाकडून कमी अपेक्षा ठेवूनही वाट्याला उपेक्षाच आल्याने पक्षाचा राजीनामा देत असल्याचे महाजन यांनी समाजमाध्यमावर जाहिर केले होते. कुठंतरी आपण आता थांबलं पाहिजे ही भावना गेल्या काही दिवसांपासून मनात येत होती. खरे म्हणजे यापूर्वीच थांबायला पाहिजे होते. कुठल्याही पक्षात राहिलो तरी निवडणुकीचे तिकिट मिळत नव्हते. केवळ हिंदुत्वाचा विचार जगला पाहिजे यासाठी आपण पक्षात होतो, असे प्रकाश महाजन त्यावेळी म्हणाले होते.
Web Summary : Prakash Mahajan, brother of Pramod Mahajan, will join the Shinde Sena after leaving MNS. He will enter the party in the presence of Eknath Shinde, following a meeting. Mahajan resigned from MNS citing neglect and a lack of electoral tickets, despite his commitment to Hindutva.
Web Summary : प्रमोद महाजन के भाई प्रकाश महाजन, मनसे छोड़ने के बाद शिंदे सेना में शामिल होंगे। एकनाथ शिंदे की उपस्थिति में वे पार्टी में प्रवेश करेंगे। महाजन ने हिंदुत्व के प्रति अपनी प्रतिबद्धता के बावजूद उपेक्षा और चुनावी टिकटों की कमी का हवाला देते हुए मनसे से इस्तीफा दे दिया।