मुंबई : बंगालच्या उपसागरात एक चक्रीवादळ निर्माण होण्याचे संकेत आहेत. या चक्रीवादळाच्या प्रभावामुळे पूर्व-विदर्भात (पूर्व-अमरावती, वर्धा, यवतमाळ, चंद्रपूर, नागपूर, गोंदिया, भंडारा आणि गडचिरोली जिल्हे) १६ ते १७ डिसेंबर रोजी ढगाळी वातावरणाचा अंदाज हवामान तज्ज्ञांनी वर्तविला आहे.याचबरोबर गडचिरोली, गोंदिया, भंडारा, नागपूर, चंद्रपूर आणि पूर्व-यवतमाळ जिल्ह्यांतील काही भागात पावसाची शक्यता असल्याचे मत हवामान तज्ज्ञांनी वर्तविले आहे. या हवामानाच्या स्थितीमुळे पूर्व-विदर्भात धुके राहील आणि कमाल तापमानात घट होईल. राज्यातील इतर भागात १५ ते १७ रोजी काही प्रमाणात आभाळी वातावरण राहील. पूर्व-विदभार्तील शेतकऱ्यांनी या हवामानाच्या स्थितीनुसार नियोजन करावे, असे आवाहन कृषी विभागाकडून करण्यात आले आहे.
विदर्भात पावसाची शक्यता
By ऑनलाइन लोकमत | Updated: December 15, 2018 01:31 IST