Maharashtra News | Maharashtra News Paper Today | Maharashtra's News In Marathi | Live Crime News From Maharashtra | महाराष्ट्र: ताज्या मराठी बातम्या | Maharashtra Breaking News

म्हसवड/दुधेबावी/वडूज : पावसाने पाठ फिरविल्याने दुष्काळाच्या झळा सोसणाऱ्या शेतकरी, महिलांनी शुक्रवारी माजी कृषिमंत्री शरद पवार यांच्यापुढे तक्रारींचा पाढा वाचला. निसर्गाच्या प्रकोपाने चरक्यात सापडलेल्या दुष्काळग्रस्तांना यंत्रणाही कसे पिळत आहे, याचे वास्तव या तक्रारींतून पुढे आले. या कठीण परिस्थितीतही रेशनवर धान्य मिळेना, पिण्याच्या पाण्याचे टँकर वेळेत येईनात, रोजगार हमी योजनेच्या मजुरांना पगार वेळेत मिळेना, ही परिस्थिती दुष्काळग्रस्तांच्यामुखातून ऐकण्याची वेळ माण, खटाव तालुक्यांच्या दौऱ्यावर आलेल्या शरद पवारांवर आली. दुष्काळी तालुक्यांमध्ये तत्काळ चारा छावण्या सुरू करण्यासाठी पवारांनी आग्रही व्हावी, अशी मागणी शेतकऱ्यांनी केली.माण तालुक्यातील मार्डी, भालवडी, इंजबाब गावांना भेटी देऊन शरद पवारांनी दुष्काळग्रस्तांशी चर्चा केली. दुष्काळी तालुक्यातील पिके पावसाअभावी सुकून चालली असून, पिण्याच्या पाण्याची सोय नाही. टँकरचे पाणी दहा दिवसांतून एकदा मिळत असल्याची तक्रार शेतकऱ्यांनी केल्या. या दौऱ्यावेळी विधानपरिषद सभापती रामराजे नाईक-निंबाळकर, खासदार विजयसिंह मोहिते-पाटील, आ. शशिकांत शिंदे, आ. प्रभाकर घार्गे, राष्ट्रवादीचे जिल्हाध्यक्ष सुनील माने, कृषी सभापती शिवाजीराव शिंदे, जिल्हा परिषद सदस्य सुभाष नरळे, नगरसेविका प्रा. कविता म्हेत्रे, तालुकाध्यक्ष बाळासाहेब मदने, युवराज सूर्यवंशी, माजी सभापती वसंतराव जगताप, प्रांताधिकारी मिनाज मुल्ला, तहसीलदार सुरेखा माने, कृषी अधिकारी राजेश जानकर उपस्थित होते. (पान १ वरून) दरम्यान, दुष्काळग्रस्तांपुढे जगायचे कसे आणि पशुधन वाचवायचे कसे? याचा पेच पडल्याचे या दौऱ्यादरम्यान स्पष्टपणे पुढे आले. मार्डी येथे माजी आमदार सदाशिवराव पोळ यांची भेट घेतल्यानंतर पवारांनी भालवडी येथे पावसाअभावी सुकलेल्या शेतांची पाहणी केली. येथील ग्रामस्थांनी टँकर वेळेत येत नाही, तसेच रेशनवर धान्यही मिळत नसल्याची तक्रार केली. इंजबाब, ता. माण येथे पाहणी दौरा आला असताना रस्त्याकडेला सुरू असणाऱ्या रोजगार हमी योजनेतून बांध बंदिस्त कामाची माहिती पवारांनी घेतली. तेथील मजुरांशी संवाद साधला, यावेळी एका महिलेने आपली व्यथा मांडताना रोजगार हमीची कामे सुरू आहेत; परंतु पगार वेळेत होत नाहीत व मजुरीही कमी मिळते. पाणी टँकर वेळेत येत नाहीत, रेशनवर जे काही धान्य मिळते, त्यावर कुटुंब जगू शकत नाही, असे सांगितले.इंजबाब येथील शेतकरी केशव चव्हाण यांनी चारा छावणी किंवा चारा डेपो सुरू करण्यात यावा, तसेच इंजबाब-पालखे घाट मार्गे नातेपुते रस्ता पूर्ण करण्याची मागणी केली.रामराजेंच्या सूचनाजिल्ह्यातील चाराटंचाई आणि पाणीटंचाई या दोन महत्त्वाच्या प्रश्नांवर प्रशासनाने गंभीरपणे काम करावे, अशा सूचना विधानपरिषदेचे सभापती रामराजे यांनी वडूज येथील टंचाईआढावा बैठकीत केल्या.++वीजबिल व कर्जमाफीची मागणीदुष्काळी परिस्थितीमुळे खरिपातील पिके हातची गेली आहेत. पिके वाया गेल्याने शेतकरी आर्थिक अडचणीत आला आहे. या पार्श्वभूमीवर पीक कर्जे व वीजबिले भरणे कठीण होऊन बसले असल्याने वीजबिल व कर्जमाफी करण्याची मागणी दुष्काळग्रस्तांनी अग्रक्रमाने केली.साहेब तुम्हीचवाचवू शकता...माण तालुक्यातील भालवडी येथे एका महिलेने शरद पवारांना उद्देशून ‘साहेब, तुम्हीच वाचवू शकता आम्हाला,’ अशा भाषेत कळवळून सांगितले.

Maharashtra (Marathi News)

‘स्वरनिनाद’चा रौप्यमहोत्सव : 'जागो हिंदुस्थानी'चा कार्यक्रम अमेरिकेत सादर ...

शेतकऱ्यांची मागणी : शरद पवारांच्या दौऱ्यात शेतकरी, महिलांनी वाचला तक्रारींचा पाढा ...