आता बोर्इंग नव्हे एअर इंडियाचा एमआरओ!

बोर्इंग आणि एअर इंडियाच्या करारानुसार या प्रकल्पाचे संचालन बोर्इंग करणार होते. पण हा प्रकल्प अर्थक्षम नसल्याचे कारण पुढे करीत बोर्इंगने

नागपूर : बोर्इंग आणि एअर इंडियाच्या करारानुसार या प्रकल्पाचे संचालन बोर्इंग करणार होते. पण हा प्रकल्प अर्थक्षम नसल्याचे कारण पुढे करीत बोर्इंगने संचालन करण्यास नकार दिला. त्यामुळे आता या प्रकल्पाचे संचालन एअर इंडियाची उपकंपनी एअर इंडिया इंजिनिअरिंग सर्व्हिसेस लिमिटेड करणार असल्याची माहिती केंद्रीय भूपृष्ठ वाहतूक व जहाज बांधणी मंत्री नितीन गडकरी यांनी शनिवारी दिली. मिहानमधील बोर्इंगच्या देखभाल व दुरुस्ती केंद्राची (एमआरओ) पाहणी केल्यानंतर गडकरी यांनी पत्रकारांशी संवाद साधला. उद्घाटन पंतप्रधान नरेंद्र मोदी यांच्या हस्ते होणार आहे. यासंदर्भात पीएमओ कार्यालयाशी संपर्क साधल्याचे गडकरी म्हणाले. मंचावर पालकमंत्री चंद्रशेखर बावनकुळे, लोकमत मीडियाच्या एडिटोरियल बोर्डाचे चेअरमन खासदार विजय दर्डा, महापौर प्रवीण दटके, माजी खासदार बनवारीलाल पुरोहित, एअर इंडिया इंजिनिअरिंग सर्व्हिसेस लि.चे मुख्य कार्यकारी अधिकारी एच.आर. जगन्नाथ आदी उपस्थित होते. करारानुसार बोर्इंगने ६५० कोटी रुपयांच्या गुंतवणुकीतून एमआरओची उभारणी केली. एल अ‍ॅण्ड टी कंपनीने आंतरराष्ट्रीय दर्जानुसार बांधकाम केले आहे. एमआरओचे मुख्यद्वार २२ कोटींचे असून जर्मनी येथील अभियंत्यांनी एक महिन्यात उभारले आहे. एमआरओला १० मे २०१५ रोजी डीजीसीएची परवानगी मिळाली असून प्रारंभी बोर्इंनच्या विमानांची देखभाल आणि दुरुस्ती करण्यात येणार आहे. दक्षिण-पूर्व आशियातील बोर्इंगच्या विमानांसाठी हा एमआरओ सक्षम असल्याचे गडकरी यांनी सांगितले.बोर्इंगची माघार का?करारानुसार बोर्इंग एमआरओचे मेंटेनन्स बोर्इंग कंपनी करणार होती. पण आता बोर्इंगने माघार का घेतली, असा प्रश्न लोकमत मीडियाच्या एडिटोरियल बोर्डाचे चेअरमन खासदार विजय दर्डा यांनी एअर इंडिया इंजिनिअरिंग सर्व्हिसेस लि.चे मुख्य कार्यकारी अधिकारी एच.आर. जगन्नाथ यांना प्रकल्पाच्या सादरीकरणादरम्यान विचारला. या प्रश्नावर जगन्नाथ ठोस उत्तर देऊ शकले नाही. पण पत्रपरिषदेत नितीन गडकरी यांनी या प्रश्नाचे उत्तर दिले. हा प्रकल्प अर्थक्षम नसल्याचे कारण पुढे करीत बोर्इंगने संचालनासाठी नकार दिला. भारतीय अभियंत्यांना ७० ते ८० हजार रुपये देण्यात येतो, पण बोर्इंगच्या अभियंत्यांना अमेरिकन चलनात पगार देणे शक्य नाही.