मुंबईजवळील नालासोपारा येथे एका शेजाऱ्याने महिलेला आपलं घर दाखवण्याच्या बहाण्याने घरी नेऊन बलात्कार केल्याची धक्कादायक घटना घडली आहे. आकाश विठ्ठल संकपाळ असं आरोपीचं नाव असून, त्याने २९ वर्षीय पीडित महिलेवर अनेकदा अत्याचार केले आहेत. आरोपी हा पीडित महिलेच्या घराशेजारीच राहतो. या प्रकरणी कारवाई करताना पोलिसांनी आरोपीला अटक केली आहे.
एएनआयने दिलेल्या वृत्तानुसार आरोपी पीडित महिलेला आपलं घर दाखवण्याच्या बहाण्याने घरी घेऊन गेला. तिथे त्याने या महिलेवर अत्याचार केला. त्यानंतर तिचे अश्लील फोटो काढले. तसेच या अश्लील फोटोंच्या माध्यमातून ब्लॅकमेल करत धमकावत या महिलेवर अनेकदा बलात्कार केला.
तसेच आरोपींने पीडित महिलेला तिच्या पतीला जिवे मारण्याची धमकीही दिली. या प्रकरणी नालासोपारा येथील आचोळे पोलिसांनी आरोपी व्यक्तीला अटक केली आहे. या आरोपीला कोर्टात हजर करण्यात आले असून, कोर्टाने त्याला पोलीस कोठडी सुनावली आहे.