मान्सून 2-3 दिवसांत कोकणात येणार

>पुणो : गेल्या काही दिवसांपासून सर्वजण वाट पाहात असलेला नैर्ऋत्य मोसमी पाऊस (मान्सून) महाराष्ट्रात दाखल होण्यासाठी सिद्ध झाला आहे. पुढील 2 ते 3 दिवसांत तो कोकण आणि गोव्यामध्ये दाखल होईल, असा अंदाज भारतीय हवामानशास्त्र विभागाने वर्तविला आहे. दरम्यान, मंगळवारी मान्सूनने आगेकूच केली आणि तो नागालँड, मणिपूर, मिझोराम, त्रिपुरा, आसाम, मेघालय, अरुणाचल प्रदेश या राज्यांमध्ये आणि पश्चिम बंगाल व सिक्कीम राज्यांच्या काही भागांत पोहोचला.