गेल्या काही दिवसांत महाराष्ट्रात राजकीय नाट्य रंगलं होतं. शिवसेनेच्या ३९ आमदारांनी बंडखोरी करत एकनाथ शिंदे यांची साथ दिली होती. दरम्यान, शिवसेनेचे आमदार आदित्य ठाकरे यांनी ठाकरे कुटुंबाप्रती ज्या बंडखोर आमदारांना प्रेम आहे त्यांनी परत यावं, असं आवाहन त्यांनी दहिसर येथील निष्ठा यात्रेदरम्यान केलं. त्यानंतर शिवसेनेच्या सरचिटणीस शालिनी ठाकरे यांनी आदित्य ठाकरेवर जोरदार निशाणा साधला आहे.
"बंडखोर आमदारांना अगोदर डुक्कर,गद्दार अशी विशेषणे लावायची आणि मग या चिमण्यानो परत फिरा रे अशी आर्त हाक घालायची. पक्ष सोडून गेलेल्यांच्या परतण्याचा विचार सुद्धा न करणारे एकमेव शिवतीर्थावरील एकच ठाकरे. राजसाहेब ठाकरे," असं शालिनी ठाकरे म्हणाल्या. त्यांनी ट्वीट करत आदित्य ठाकरे यांच्यावर निशाणा साधला.