Mayoral Election: राज्यातील ९ शहरांना मिळाले नवे कारभारी; नागपूरसह ८ ठिकाणी भाजपचा महापौर!

राज्यातील ९ महापालिकांमध्ये शुक्रवारी महापौर व उपमहापौरपदाची निवडणूक पार पडली. यात नागपूरसह ८ शहरांत सत्ताधारी भाजप, तर एका महापालिकेत राष्ट्रवादीचा (अजित पवार गट) महापौर खुर्चीत बसला आहे.

लोकमत न्यूज नेटवर्क मुंबई : राज्यातील ९ महापालिकांमध्ये शुक्रवारी महापौर व उपमहापौरपदाची निवडणूक पार पडली. यात नागपूरसह ८ शहरांत सत्ताधारी भाजप, तर एका महापालिकेत  राष्ट्रवादीचा (अजित पवार गट) महापौर खुर्चीत बसला आहे. विशेष म्हणजे ५ महापालिकांत महापौर आणि उपमहापौर बिनविरोध निवडले गेले.  

या निवडणुकांमध्ये एमआयएमची भूमिका चर्चेत राहिली. अमरावतीत एमआयएमच्या  एका  नगरसेविकेने महायुतीच्या उमेदवारांना मत दिले, तर उर्वरित ११ नगरसेवकांनी तटस्थ राहणे पसंत केले. नागपुरात एमआयएमने तटस्थ राहण्याची भूमिका घेतली. नागपुरात एमआयएमचे सहा नगरसेवक आहेत. सोलापुरात एमआयएमने अर्ज मागे घेतल्याने तिथे बिनविरोध निवड झाली. 

महापालिका: महापौर आणि उपमहापौर यादी

महापालिका	महापौर	उपमहापौर
पिंपरी-चिंचवड	रवी लांडगे (भाजप)	शर्मिला बाबर (भाजप)
सोलापूर	विनायक कोंड्याल (भाजप)	ज्ञानेश्वरी देवकर (भाजप)
नाशिक	हिमगौरी आडके (भाजप)	विलास शिंदे (शिंदेसेना)
जळगाव	दीपमाला काळे (भाजप)	मनोज चौधरी (शिंदेसेना)
अहिल्यानगर	ज्योती गाडे (राष्ट्रवादी अजित पवार)	धनंजय जाधव (भाजप)
कोल्हापूर	रूपाराणी निकम (भाजप)	अक्षय जरग (जनसुराज्य)
नागपूर	नीता ठाकरे (भाजप)	लीला हाथीबेड (भाजप)
अमरावती	श्रीचंद तेजवानी (भाजप)	सचिन भेंडे (युवा स्वाभिमान)
धुळे	माया परदेशी (भाजप)	ज्योत्स्ना पाटील (भाजप)