तीन टप्प्यात झालेल्या राज्यातील स्थानिक स्वराज्य संस्थांच्या निवडणुकीची रणधुमाळी आटोपल्यानंतर आता सर्वांचे लक्ष राज्यसभेच्या महाराष्ट्रातील रिक्त होणाऱ्या ७ जागांच्या निवडणुकीकडे लागले आहे. राज्यातील राज्यसभेच्या रिक्त होणाऱ्या ७ जागांसाठी निवडणुकीचा कार्यक्रम जाहीर झाला असून, या ७ जागांसाठी १६ मार्च रोजी मतदान होणार आहे. तर त्याच दिवशी संध्याकाळी या निवडणुकीचा निकाल जाहीर होणार आहे.
राष्ट्रवादी काँग्रेस शरद पवार पक्षाचे प्रमुख शरद पवार यांच्यासह केंद्रीय मंत्री रामदास आठवले, फौजिया खान, रजनी पाटील, प्रियंका चतुर्वेदी, धैर्यशिल पाटील आणि भागवत कराड या राज्यसभा खासदारांचा कार्यकाळ २ एप्रिल रोजी समाप्त होत आहे. या रिक्त होणाऱ्या जागांसाठी ही निवडणूक होणार आहे.
राज्यसभेतील खासदार हे राज्याच्या विधानसभेतील आमदारांकडून होणाऱ्या मतदानामधून निवडून दिले जातात. महाराष्ट्राच्या विधानसभेतील सध्याच्या संख्याबळानुसार सत्ताधारी महायुतीचे ६ तर विरोधी पक्षांमधील महायुतीचा एक खासदार निवडून येऊ शकतो. अशा स्थितीत ज्येष्ठ नेते शरद पवार हे पुन्हा एकदा निवडणुकीच्या रिंगणात उतरणार का? महायुतीकडून कुणाला संधी दिली जाणार, याबाबत उत्सुकता निर्माण झाली आहे.
तसेच राज्यसभेची निवडणूक ही सर्वसाधारणपणे बिनविरोधपणे पार पाडली जाते. अशा परिस्थितीमध्ये राज्यातील सत्ताधारी महायुती आणि विरोधी पक्षातील महाविकास आघाडीमधील घटक पक्ष हे ही निवडणूक बिनविरोध करणार याबाबत तर्कवितर्क लढवले जात आहेत.
Web Summary : Maharashtra's Rajya Sabha election for 7 seats is set for March 16th. Key leaders like Sharad Pawar's term ends April 2nd. With current assembly strength, MahaYuti can elect 6, MVA 1. Speculation surrounds Pawar's candidacy and potential uncontested election.
Web Summary : महाराष्ट्र में राज्यसभा की 7 सीटों के लिए 16 मार्च को चुनाव होगा। शरद पवार जैसे प्रमुख नेताओं का कार्यकाल 2 अप्रैल को समाप्त हो रहा है। विधानसभा की मौजूदा संख्या के साथ, महायुति 6, एमवीए 1 का चुनाव कर सकती है। पवार की उम्मीदवारी पर अटकलें।