Dilip Walse Patil Covid Positive : गेल्या काही दिवसांपासून देशात आणि राज्यात कोरोनाबाधितांची संख्या (Coronavirus Patients) कमी होताना दिस आहे. अशातच राज्याचे गृहमंत्री (Maharashtra Home Minister) दिलीप वळसे-पाटील (Dilip Walse Patil) यांना कोरोनाची लागण झाल्याची माहिती समोर आली आहे. वळसे पाटील यांनी ट्विटरद्वारे यासंदर्भातील माहिती दिली आहे.
"कोरोना सदृश्य लक्षणे दिसत असल्याने मी माझी चाचणी केली असून माझा कोरोना रिपोर्ट पॉझिटिव्ह आला आहे. माझी प्रकृती स्थिर असून डॉक्टरांच्या सल्ल्यानुसार वैद्यकीय उपचार सुरू केले आहेत," अशी माहिती वळसे-पाटील यांनी दिली. त्यांनी यासंदर्भात एक ट्वीट केलं आहे. "नागपूर व अमरावती दौऱ्यादरम्यान तसेच इतर कार्यक्रमाप्रसंगी माझ्या संपर्कात आलेल्या सर्वांना माझे आवाहन आहे की, त्यांना लक्षणे आढळून आल्यास कोरोना चाचणी करून घ्यावी. शक्यतो गर्दीच्या ठिकाणी जाणे टाळावे आणि कोरोना नियमांचे काटेकोर पालन करावे," असंही ते म्हणाले.