आधीच सोन्याच्या गगनाला भिडलेल्या दरांमुळे लग्नाचे बजेट कोलमडलेले असताना, आता विवाहेच्छुकांसमोर 'LPG संकटाचे' नवीन संकट उभे राहिले आहे. इस्रायल-ईराण युद्धामुळे व्यावसायिक गॅसचा पुरवठा विस्कळीत झाल्याने लग्नाच्या पंगती कशा उठवणार? असा गंभीर प्रश्न मंगल कार्यालय आणि वधू-वर पित्यांसमोर उभा ठाकला आहे.
लग्नाचे जेवण बनवण्यासाठी मोठ्या आकाराच्या शेगड्या आणि कमर्शियल गॅस सिलिंडरचा वापर केला जातो. एका मोठ्या लग्नात दिवसाला किमान २ ते ३ सिलिंडरची गरज भासते. मात्र, सध्या बाजारपेठेत कमर्शियल सिलिंडरचा पुरवठा जवळपास बंद झाल्याने केटरर्स आणि हॉल मालक हवालदिल झाले आहेत.
पाचशे-हजार पाहुण्यांच्या जेवणावळी कशा होणार?लग्नात सहसा ५०० ते १००० लोकांच्या जेवणावळी असतात. ८-१० पंगती उठवण्यासाठी गॅसची नितांत गरज असते. सध्याच्या परिस्थितीत एवढ्या मोठ्या प्रमाणावर जेवण चुलीवर शिजवणे आता शक्य राहिलेले नाही, कारण शहरांमध्येच नाही तर गावातही सरपण (लाकूड) उपलब्ध नाही. व्यावसायिक वापरासाठी घरगुती सिलिंडर वापरणे बेकायदेशीर आहे, शिवाय त्याचा पुरवठाही मर्यादित आहे.
तारीख पुढे ढकलण्याची भीतीजर गॅसची उपलब्धता झाली नाही, तर ऐन लग्नसराईत अनेक कुटुंबे लग्नसोहळे पुढे ढकलण्याच्या टेन्शनमध्ये आहेत. सोन्यानंतर आता गॅस टंचाईने विवाहेच्छुकांच्या तोंडचे पाणी पळवले असून, सरकार यावर काय तोडगा काढणार याकडे सर्वांचे लक्ष लागले आहे.
Web Summary : Commercial LPG shortage due to the Israel-Iran conflict threatens wedding feasts. Caterers and families face difficulties. Postponements loom due to gas scarcity and high gold prices, leaving families anxious for a solution.
Web Summary : इजरायल-ईरान संघर्ष के कारण व्यावसायिक एलपीजी की कमी से विवाह भोज खतरे में हैं। कैटरर्स और परिवारों को कठिनाइयों का सामना करना पड़ रहा है। गैस की कमी और सोने की ऊंची कीमतों के कारण स्थगन की आशंका है, जिससे परिवार समाधान के लिए चिंतित हैं।