सादरे कुटुंबीयांची चौकशी

रामानंदनगर पोलीस ठाण्याचे निलंबित वरिष्ठ पोलीस निरीक्षक अशोक सादरे यांच्या आत्महत्येप्रकरणी पोलीस अधीक्षक डॉ़ जालिंदर सुपेकर, गुन्हे अन्वेषण विभागाचे पोलीस निरीक्षक प्रभाकर

नाशिक : रामानंदनगर पोलीस ठाण्याचे निलंबित वरिष्ठ पोलीस निरीक्षक अशोक सादरे यांच्या आत्महत्येप्रकरणी पोलीस अधीक्षक डॉ़ जालिंदर सुपेकर, गुन्हे अन्वेषण विभागाचे पोलीस निरीक्षक प्रभाकर रायते व वाळू ठेकेदार सागर चौधरी यांच्यावर गुन्हा दाखल केल्यानंतर, रविवारी पंचवटी पोलिसांनी सादरे कुटुंबातील सदस्य, तसेच शेजारील व्यक्तींचे जबाब नोंदवून घेतल्याची माहिती पोलीस सूत्रांनी दिली़
माधुरी सादरे यांनी फिर्यादित केलेल्या आरोपांची चौकशी पोलिसांनी सुरू केली आहे़ रविवारी सादरे यांचा मुलगा ओमकार, मुलगी पूनम, भाऊ प्रवीण, दोन बहिणी, तसेच कुटुंबातील नातेवार्इ$कांचे जबाब नोंदवून घेण्यात आले़ सादरे यांना कशाप्रकारे त्रास दिला जात होता, याची माहिती जबाबामध्ये लिहून घेण्यात आली़ त्याबरोबरच सादरे यांच्या शेजारी राहणाऱ्या नागरिकांचेही जबाब नोंदवून घेतल्याचे वृत्त आहे़ पोलीस निरीक्षक सादरे यांनी शुक्रवारी राहत्या घरी गळफास घेऊन आत्महत्या केली़ मात्र, तत्पूर्वी त्यांनी वरिष्ठांच्या जाचाला कंटाळून आत्महत्या केल्याची चिठ्ठी लिहून ठेवली़
चिठ्ठीत ज्या पोलीस अधिकाऱ्यांचे व वाळू ठेकेदाराचे नाव आहे, त्यांची चौकशी केली जाणार आहे़ यासाठी किमान दोन-तीन दिवसांचा कालावधी अपेक्षित असून, कायदेशीर कारवाईस सुरुवात झाली आहे, असे नाशिकचे पोलीस आयुक्त एस़ जगन्नाथन यांनी सांगितले. (प्रतिनिधी)