रुग्णांना ‘एमआरपी’चे इंजेक्शन! १५ रुपयांना मिळणारी वस्तू १६५ रुपयांना

रुग्णालयांशी संलग्न औषधी दुकानांद्वारा ३८ रुपये खरेदी किंमत असलेली वस्तू एमआरपी दराने थेट ३१० रुपयांना विकली जाते

सचिन राऊतअकोला - रुग्णालयांशी संलग्न असलेल्या औषधी दुकानांद्वारा, रुग्णालयात दाखल रुग्णावरील उपचारासाठी लागणाऱ्या वैद्यकीय साहित्याची विक्री करताना, कुटुंबीयांच्या खिशावर अक्षरशः ‘दरोडा’च घालण्यात येत असल्याचे धक्कादायक वास्तव समोर आले आहे. 

युरिन बॅग, कॅथेटर, आयव्ही सेट, आयव्ही कॅथेटर, आयव्ही कॅन्युला, नेब्युलायझरसाठी लागणारे मास्क, पीडिया ड्रीप, बीटी सेट, सर्जिकल कापूस यांसारख्या वैद्यकीय साहित्याची एमआरपी मूळ खरेदी किमतीच्या जवळपास ५ ते १० पट आहे. 

बाहेर स्वस्त, आत महागरुग्णालयांशी संलग्न औषधी दुकानांद्वारा ३८ रुपये खरेदी किंमत असलेली वस्तू एमआरपी दराने थेट ३१० रुपयांना विकली जाते, तर तीच वस्तू बाहेरील औषधी दुकानांतून घेतल्यास केवळ ६० ते ७० रुपयांत मिळते.

औषध व्यावसायिकांनी किती नफा कमवावा, हे त्यांच्यावर अवलंबून आहे. एमआरपी जास्त असल्याने, अधिक नफ्याचा उद्देश असतो, अशी माहिती आहे.डॉ. गजानन घिरके, औषध निरीक्षक, अन्न व औषध प्रशासन 

युरिन बॅग, आयव्ही सेट एमआरपी दरातच विकले जात आहेत. औषध व्यावसायिक औषध आणि सर्जिकल साहित्य त्यांना परवडेल अशा दरातच विकत आहेत.- मंगेश गुगूल, अध्यक्ष, केमिस्ट, ड्रगिस्ट असोसिएशन, अकोला

साहित्य	MRP	खरेदी	बाजारभाव	रूग्णालय
युरिन बॅग	३१६	३८ ते ३९	६० ते ७०	३१०
कॅथेटर	७४३	१३०	२०० ते २१०	७४०
आयव्ही सेट	१८०	१४	३० ते ४०	१८०
आयव्ही कॅथेटर	१६८	१५	४५ ते ५०	१६५
आयव्ही कॅन्युला	१८७	१४.५०	४० ते ५०	१८०
नेब्युलायझर मास्क	५७२	४७	८० ते ९०	५७०
पीडिया ड्रीप	२८०	४०	६० ते ७०	२८०
बीटी सेट	१७९	१६	३० ते ३५	१७५