नाशिक: इगतपुरीच्या माजी आमदार आणि शिवसेना(शिंदेगट) नेत्या निर्मला गावित यांना सोमवारी (दि. 24) घराबाहेर एका अज्ञात कारने उडवल्याची धक्कादायक घटना घडली आहे. या अपघातात गावित गंभीर जखमी झाल्या असून, त्यांच्यावर खाजगी रुग्णालयात उपचार सुरू आहेत. ही संपूर्ण घटना सीसीटीव्हीत कैद झाली आहे.
कसा झाला अपघात?
निर्मला गावित सोमवार संध्याकाळी साडेपाचच्या सुमारास आरडी सर्कल परिसरातील आपल्या निवासस्थानाबाहेर नातवाला घेऊन फेरफटका मारत होत्या. इतक्यात मागून आलेल्या अज्ञात चारचाकी वाहनाने त्यांना जोरात धडक दिली. धडक इतकी तीव्र होती की, त्या काही फूट दूर जाऊन पडल्या. अपघातानंतर कारचालक वाहनासह फरार झाला. सुदैवाने नातवाला कोणतीही दुखापत झाली नाही.
पोलीस तपास सुरू
याप्रकरणी अंबड पोलीस ठाण्यात अज्ञात कारचालकाविरुद्ध गुन्हा दाखल आहे. वरिष्ठ पोलीस निरीक्षक जग्वेद्रसिंग राजपूत यांच्या मार्गदर्शनाखाली सपोऊनी हारुण शेख तपास करीत आहेत. दरम्यान, घटनेला 24 तास उलटूनही कारचालक मोकाट असल्याने पोलिसांच्या कामगिरीवर प्रश्नचिन्ह उपस्थित होत आहे. निर्मला गावित यांच्या कन्या नयना गावित यांनी पोलिसांवर तीव्र नाराजी व्यक्त केली. तसेच, हा अपघात की घातपात, याची सखोल चौकशी करण्याची मागणी केली आहे.
कोण आहेत निर्मला गावित ?
निर्मला गावित या दिवंगत काँग्रेस नेते आणि माजी केंद्रीय मंत्री माणिकराव गावित यांची कन्या आहेत. त्या दोन वेळा इगतपुरीमधून आमदार म्हणून निवडून आल्या आहेत. 2019 मध्ये काँग्रेस सोडून त्यांनी शिवसेनेत प्रवेश केला, पुढे शिवसेनेतील फुटीनंतर एकनाथ शिंदे यांच्या गटात प्रवेश केला.
Web Summary : Former MLA Nirmala Gavit was seriously injured after being hit by an unidentified car near her residence. The driver fled the scene. Police are investigating the incident, which was captured on CCTV. Gavit is receiving treatment at a private hospital. Her daughter suspects foul play and demands a thorough investigation.
Web Summary : पूर्व विधायक निर्मला गावित अपने आवास के पास एक अज्ञात कार की चपेट में आने से गंभीर रूप से घायल हो गईं। चालक मौके से फरार हो गया। पुलिस मामले की जांच कर रही है, जो सीसीटीवी में कैद हो गया है। गावित का एक निजी अस्पताल में इलाज चल रहा है। उनकी बेटी को साजिश का संदेह है और उन्होंने गहन जांच की मांग की है।