तंटामुक्तीत बुलडाणा राज्यात प्रथम

बुलडाणा जिल्ह्यातील ८६८ ग्रामपंचायतीपैकी ८४0 ग्रामपंचायती तंटामुक्त;जिल्ह्याचा राज्यात प्रथम क्रमांक.

हर्षनंदन वाघ / बुलडाणा

पोलिस प्रशासनाच्या विशेष प्रयत्नामुळे बुलडाणा जिल्ह्यातील ८६८ ग्रामपंचायतीपैकी ८४0 ग्रामपंचायती तंटामुक्त झाल्याअसून जिल्ह्याने राज्यात प्रथम क्रमांक पटकाविला आहे. याबाबत शासनाकडून लवकरच घोषणा होणार आहे. तर उर्वरित २६ ग्रामपंचातीपैकी २0 ग्रामपंचायती तंटामुक्त होण्यासाठी तालुका समितीतील सदस्यांचे विशेष प्रशिक्षण शिबिराचे आयोजन करण्यात आले आहे. महात्मा गांधी तंटामुक्त गाव मोहिमेअंतर्गंत आतापर्यंत बुलडाणा जिल्ह्यातील ८६८ ग्रामपंचायतीपैकी ८४0 ग्रामपंचायती शासनाकडून तंटामुक्त घोषित करण्यात आल्या आहेत. तंटामुक्त झालेल्या ८४0 पैकी ५९४ ग्रामपंचायतींना शासनाकडून विकासकामांसाठी पुरस्कार निधी पोलिस प्रशासनातर्फे यापूर्वीच वाटप करण्यात आलेला आहे. उर्वरित तंटामुक्त ग्रामपंचायती व पत्रकारांना लवकरच पुरस्काराचे वाटप करण्यात येणार आहे. बुलडाणा जिल्हाच्य पोलिस प्रशासनाने मिळविलेले यश अभूतपूर्व असून राज्यात जिल्ह्याचा तंटामुक्ती प्रथम क्रमांक पटकाविला आहे. लवकच शासनाकडून तशी घोषणा होणार आहे. या यशाला हुरळून न जाता जिल्यातील पोलिस प्रशासनाने जिल्हाधिकारी किरण कुरूंदकर, जिल्हा पोलिस अधीक्षक शामराव दिघावकर यांच्या मार्गदर्शनाखाली संपूर्ण ग्रामपंचायतींना तंटामुक्त करण्याचा निर्धार व्यक्त केला आहे. यासाठी तंटामुक्त घोषित न झालेल्या उर्वरित २६ ग्रामपंचायतीपैकी २0 ग्रामपंचायती तंटामुक्त होण्यासाठी पोलिस प्रशासन प्रयत्न करीत असून तालुका समितीमधील सदस्यांचे प्रशिक्षण शिबिर घेण्यात येत आहे.