अखेर पोलिसांचे मेडल आले

उल्लेखनीय सेवेबद्दल पोलीस दलातील अधिकारी, कर्मचार्‍यांना दोन वर्षांंंपूर्वी घोषित झालेले राष्ट्रपती पोलीस पदक अखेर राज्य पोलीस दलाकडे आले. हे पदकं समारंभपूर्वक प्रदान करण्यासाठी सरकारला

अच्छा दिन आनेवाला है : मुहूर्तही सापडला
नरेश डोंगरे - नागपूर
उल्लेखनीय सेवेबद्दल पोलीस दलातील अधिकारी, कर्मचार्‍यांना दोन वर्षांंंपूर्वी घोषित झालेले  राष्ट्रपती पोलीस पदक अखेर राज्य पोलीस दलाकडे आले. हे पदकं समारंभपूर्वक प्रदान  करण्यासाठी सरकारला मुहूर्तही मिळाला. त्यामुळे तब्बल दोन वर्षे प्रतीक्षा केल्यानंतर आता ६  जूनला मा. राज्यपालांच्या हस्ते ‘त्या‘ गुणवंत पोलीस अधिकारी, कर्मचार्‍यांना ‘सेवेचे चीज‘  मिळणार आहे.
कर्तव्य बजावताना अनेकदा पोलीस अधिकारी, कर्मचार्‍यांच्या वाट्याला मनस्ताप येतो. कित्येकदा  त्याची नोकरी डावावर लागते अन् अनेकदा हा पोलीसदादा आपल्या जीवाचीही बाजी लावून  कर्तव्य पार पाडतो. हे करणार्‍या अनेकांपैकी मोजक्या अधिकारी, कर्मचार्‍यांना त्यांच्या  उल्लेखनीय, गुणवत्तापूर्ण सेवेची पावती मिळते. त्यांना पोलीस पदक, महासंचालकांचे सन्मानचिन्ह,  राष्ट्रपती पदक जाहीर होते. मात्र, जाहीर झालेले पदक दोन-अडीच वर्षे वाट पाहूनही वर्दीवर लागत  नाहीत. शिस्तीचे दल असल्यामुळे पदक मिळण्यास का विलंब होतो, ते विचारण्याचीही सोय नसते.  पदकाच्या प्रतीक्षेत अनेक जण नवृत्तही होतात. 
उल्लेखनीय तसेच गुणवत्तापूर्ण सेवेसाठी राज्य पोलीस दलातील पाच वरिष्ठ अधिकार्‍यांसह एकूण  ४३ अधिकारी,  कर्मचार्‍यांना १५ ऑगस्ट २0१२ च्या पुर्वसंध्येला अनुक्रमे राष्ट्रपती पोलीस पदक  आणि पोलीस पदक जाहिर झाले. त्यात अतिरिक्त पोलीस महासंचालक आर. एन. वाघ, अतिरिक्त  महासंचालक गुलाबराव पोळ, अतिरिक्त महासंचालक हिमांशू रॉय दासोदी(एडीजी, एटीएस),  प्रभात कुमार (सीपी रेल्वे) आणि शारदा पी यादव (एडीजी, सीआयडी) यांच्यासह विदर्भातील  नारायण विठोबाजी कुरसंगे (एएसआय, वर्धा) आणि शालिकराम गणपतराव डांगे (एएसआय  चंद्रपूर) या  अधिकार्‍यांचाही समावेश आहे. तत्पूर्वी, २६ जानेवारी २0१२ च्या पूर्वसंध्येला एसीपी  नम्रता नितीन अलकुनरे यांनाही पोलीस पदक जाहीर झाले. त्यानंतर २६ जानेवारी आणि १५  ऑगस्ट २0१३ ला तसेच २६ जानेवारी २0१४ च्या पूर्वसंध्येला पुन्हा अशाच पद्धतीने राज्यातील  दोनशेवर गुणवंत पोलीस अधिकारी, कर्मचार्‍यांना उपरोक्त पदके जाहीर झाली.  मात्र, प्रदीर्घ  कालावधी होऊनही ही पदके त्यांना मिळाली नव्हती. केंद्रांकडून आली नाही, असे मोघम उत्तर  मिळत होते. अखेर २0१२ ला जाहीर झालेल्या ४४ अधिकारी, कर्मचार्‍यांची पदके पोलीस  महासंचालनालयाला मिळाली.  ६ जूनला दुपारी ४.३0 वाजता मुंबईतील राजभवनाच्या दरबार  हॉलमध्ये मा. राज्यपालांच्या हस्ते संबंधित अधिकारी, कर्मचार्‍यांना ती सन्मानपूर्वक प्रदान केली  जाणार आहे. त्यासाठी २८ मे रोजी एक विशेष पत्र पाठवून या सर्वांंंना २ जूनला मुंबईत  बोलविण्यात आले आहे. ३ आणि ४ जूनला या कार्यक्रमाची रंगीत तालिम होणार आहे.
सातजण नवृत्त
पदकाची आस लावून बसलेल्यांपैकी सातजण नवृत्त झाले. त्यात अतिरिक्त महासंचालक आर. एन  वाघ, अतिरिक्त पोलीस महासंचालक गुलाबराव पोळ (स्वेच्छानवृत्ती घेतली), एसीपी महादेव  अद्रशप्पा गुंडेवाडी, एएसपी रॉल्फी पॅट्रिक परेरा, एएसपी माणिक शिवराम पेरके, एएसपी चंद्रकांत  नामदेव दिलपाक आणि एएसआय अनंत अंकूश दळवी यांचा समावेश आहे.