मुंबई : राज्यात कोरोना बाधितांचा आकडा दहा हजारांच्या उंबरठ्यावर पोहोचला आहे. राज्यात बुधवारी ५९७ कोरोना रुग्णांचे निदान झाले, तर एकूण रुग्णसंख्या ९ हजार ९१५ इतकी झाली. तर राज्यात ३२ कोरोना रुग्णांचा मृत्यू झाला, त्यामुळे राज्यात कोरोनाने झालेल्या मृत्यूंची संख्या ४३२ वर पोहोचली आहे.
मुंबईत बुधवारी ४७५ इतक्या कोरोना रुग्णांचे निदान झाले असून एकूण रुग्णसंख्या ६ हजार ६४४ वर पोहोचली आहे. तर बुधवारी २६ मृत्यूंची नोंद झाली असून बळींचा आकडा २७० झाला आहे. राज्यात सोमवारी दिवसभरात २०५ रुग्णांना बरे होऊन घरी पाठवले, तर आजपर्यंत १५९३ रुग्ण कोरोना मुक्त झाले आहेत.
राज्यात सोमवारी दिवसभरात झालेल्या ३२ मृत्यूंपैकी २६ मुंबईतील, पुण्यातील तीन, सोलापूर, औरंगाबाद आणि पनवेलमध्ये प्रत्येकी एका मृत्यूंची नोंद झाली आहे.