सोलापूर-
राज्याचे अन्न व नागरी पुरवठा मंत्री छगन भुजबळ यांनी सोलापूरमध्ये आयोजित राष्ट्रवादी काँग्रेसच्या कार्यकर्ता मेळाव्यात भाजपावर जोरदार हल्ला केला आहे. भुजबळ यांनी यावेळी शायरीतून भाजपाचं नाव न घेता टीका केली. "वक्त है बदल जाएगा...आज तुम्हाला है कल हमारा आयेगा", असं छगन भुजबळ म्हणाले. पक्षाच्या कार्यकर्त्यांना संबोधित करताना भुजबळ यांनी सर्वांना एकत्र राहण्याचं आणि पक्ष अडचणीत येईल असं कोणतंही काम न करण्याचं आवाहन केलं.
"एक लक्षात ठेवा ही जी दादागिरी सध्या चालली आहे ना...वक्त है बदल जाएगा, आज तुम्हाला है, कल मेरा आयगा. शरीफ है हम लढते नहीं, लेकीन जमाना जानता है किसी के बाप को डरतें नहीं", अशा शायरीतून छगन भुजबळ यांनी भाजपावर टीका केली. राष्ट्रवादीच्या कार्यकर्त्यांनी एकत्र राहवं, एकमेकांच्या सुख-दु:खात सहभागी व्हावं आणि नेहमी पवार साहेबांच्या पाठिशी उभं राहावं असं आवाहनही त्यांनी कार्यकर्त्यांना केलं.
आपले कोण अन् परके कोण ओळखाछगन भुजबळ यांनी यावेळी कार्यकर्त्यांना आपलं कोण आणि परकं कोण हे ओळखा असा मोलाचा सल्ला दिला. ते म्हणाले,"वक्त जो है वो दिखाई नहीं देता. मगर बहुत कुछ दिखा देता है. अपनापन तो हरकोई दिखाई दिखाता है लेकीन अपना कौन है ये वक्त आने पे पता चलता है. एकमेकांच्या दु:खामध्ये सहभागी व्हा. एकमेकांना प्रेमाने जवळ घ्या", असं छगन भुजबळ म्हणाले.