एपीएमसीत घोटाळा?

१२६ कोटी ५४ लाख रुपयांच्या एफएसआय अर्थात फ्लोअर स्पेस इंडेक्स म्हणजेच चटईक्षेत्र घोटाळ्याप्रकरणी फौजदारी गुन्हा दाखल का करू नये, याबाबत नोटीस बजावली आहे़

ठाणे : विविध वादग्रस्त निर्णयांमुळे सतत चौकशीच्या फेर्‍यात असणार्‍या मुंबई कृषी समितीच्या संचालक मंडळास राज्याच्या पणन संचालकांनी सुमारे १२६ कोटी ५४ लाख रुपयांच्या एफएसआय अर्थात फ्लोअर स्पेस इंडेक्स म्हणजेच चटईक्षेत्र घोटाळ्याप्रकरणी फौजदारी गुन्हा दाखल का करू नये, याबाबत नोटीस बजावली आहे़ समितीतील मार्केट क्रमांक- १ मधील ८२ हजार २७७ चौरस मीटरपैकी ५० हजार चौरस मीटर एफएसआयची विक्री केली़ मात्र, रेडीरेकनरनुसार बाजारभाव ३१६७ रुपये असताना अवघ्या ६०० रुपये दराने विक्री केल्याचा ठपका राज्याचे पणन संचालक सुभाष माने यांनी ठेवला आहे. बाजार समितीचे चेअरमन बाळासाहेब सोळस्कर व सदस्य सचिव सुधीर तुंगार यांना नोटीस बजावून संचालक मंडळावर फौजदारी गुन्हा का दाखल करू नये, याबाबत आठ दिवसांत खुलासा मागितला आहे़ या घोटाळ्यामागे मसाला मार्केटमधील अनेक घोटाळ्यांच्या ‘किर्ती’स मूठमाती देणारे व आपणच व्यापार्‍यांचे खरे नेते आहोत, असा टेंभा ‘राणा’भीमदेवी थाटात मिरवणारे काही संचालक असल्याची चर्चा आता दबक्या आवाजात कर्मचार्‍यांत ऐकायला मिळत आहे़ मुंबई कृषी उत्पन्न बाजार समिती ही (पान २ वर...)