राज्याचे दिवंगत उपमुख्यमंत्री अजित पवार यांच्या विमान अपघाताला आज एक महिना पूर्ण होत असतानाच, या प्रकरणातील सर्वात महत्त्वाचा 'प्राथमिक तपास अहवाल' आज सायंकाळी प्रसिद्ध होण्याची दाट शक्यता आहे. 'एअरक्राफ्ट अॅक्सिडेंट इन्व्हेस्टिगेशन ब्युरो' हा अहवाल नागरी विमान वाहतूक संचालनालयाकडे सुपूर्द करणार असून, यातून अपघाताचे नेमके कारण समोर येईल.
गेल्या महिनाभरापासून संपूर्ण राज्याचे लक्ष लागून राहिलेल्या या प्रकरणाचा तपास तांत्रिक आणि गुन्हेगारी अशा दोन्ही बाजूंनी सुरू आहे. विमानाच्या इंजिनमध्ये हवेत असतानाच बिघाड झाला होता का? विमानाचा ब्लॅक बॉक्स सुरक्षित असल्याचे आता स्पष्ट झाले आहे. त्यातील पायलटचे शेवटचे संभाषण आणि तांत्रिक डेटा अहवालाचा मुख्य आधार असेल. तसेच 'VSR व्हेंचर्स' कंपनीने विमानाची देखभाल योग्य प्रकारे केली होती का? या गोष्टी अहवालातून समोर येणार आहेत.
रोहित पवारांचे आरोप आणि सीआयडीचा ससेमिरादुसरीकडे, आमदार रोहित पवार यांनी या प्रकरणात घातपाताचा संशय व्यक्त करत पुराव्यांची मागणी केली आहे. महाराष्ट्र सीआयडी देखील या प्रकरणाचा समांतर तपास करत असून, तांत्रिक अहवाल आल्यानंतर गुन्हेगारी स्वरूपाचा एफआयआर दाखल करायचा की नाही, याचा निर्णय घेतला जाईल.
VSR कंपनीच्या विमानांवर बंदीविशेष म्हणजे, अपघातानंतर केलेल्या ऑडिटमध्ये सुरक्षिततेच्या त्रुटी आढळल्याने DGCA ने संबंधित विमान कंपनीची उर्वरित पाच विमाने आधीच ग्राऊंडेड केली आहेत. यामुळे आज येणारा अहवाल या कंपनीसाठी आणि तपासासाठी 'टर्निंग पॉईंट' ठरू शकतो.
Web Summary : The primary investigation report into Ajit Pawar's plane incident is expected today, a month after the accident. The report will reveal the cause, with technical and criminal investigations ongoing. Rohit Pawar suspects foul play; CID is investigating. VSR Venture's planes are grounded.
Web Summary : अजित पवार के विमान हादसे की प्राथमिक जांच रिपोर्ट आज आने की संभावना है। जांच तकनीकी और आपराधिक दोनों पहलुओं से जारी है। रोहित पवार ने गड़बड़ी की आशंका जताई है; सीआईडी जांच कर रही है। वीएसआर वेंचर के विमान ज़मीन पर खड़े हैं।