पुन्हा सनातनवर संशय!

पुरोगामी विचारवंत कॉ. गोविंद पानसरे यांच्या हत्येप्रकरणी सनातन संस्थेचा साधक समीर गायकवाडला अटक झालेली असतानाच आता डॉ. नरेंद्र दाभोलकर यांच्या हत्येप्रकरणीही सनातन संस्था रडारवर आली आहे.

मुंबई : पुरोगामी विचारवंत कॉ. गोविंद पानसरे यांच्या हत्येप्रकरणी सनातन संस्थेचा साधक समीर गायकवाडला अटक झालेली असतानाच आता डॉ. नरेंद्र दाभोलकर यांच्या हत्येप्रकरणीही सनातन संस्था रडारवर आली आहे. केंद्रीय गुन्हे अन्वेषण विभागाने (सीबीआय) सनातनशी संबंधित दोघांच्या हालचालींवर आपली नजर असल्याचे बुधवारी उच्च न्यायालयात स्पष्ट केले. या दोन संशयितांची नावे सीबीआयने बुधवारी बंद लिफाफ्यात कोर्टाला सादर केली. दाभोलकर व पानसरे यांच्या हत्येप्रकरणी त्यांच्या मुलांनी उच्च न्यायालयात याचिका दाखल केल्या आहेत. या याचिकांवरील सुनावणी न्या. रणजित मोरे आणि न्या. राजेश केतकर यांच्या खंडपीठापुढे होती. गेल्या सुनावणीवेळी खंडपीठाने सीबीआय व विशेष तपास पथकाला (एसआयटी) तपासासंदर्भातील अहवाल सादर करण्याचा आदेश दिला होता. त्यानुसार सीबीआयने दाभोलकर हत्या प्रकरणाचा तर एसआयटीने पानसरे हत्येसंदर्भातील तपास अहवाल सादर केला. दाभोलकर हत्येचा तपास समाधानकारक नसल्याचे सांगत उच्च न्यायालयाने सीबीआयवर ताशेरे ओढले. तथापि, एसआयटी करीत असलेला कॉ. पानसरे यांच्या हत्येच्या तपासाबाबत न्यायालयाने समाधान व्यक्त केले. नव्याने तपासाचा सुधारित अहवाल ३० नोव्हेंबरपर्यंत सादर करण्याचे आदेश खंडपीठाने सीबीआय व एसआयटीला दिले. (प्रतिनिधी)अधिकाऱ्यांची कमतरताच्सीबीआय या तपासासाठी स्वतंत्र अधिकारी नेमू शकत नाही का? अशी विचारणा खंडपीठाने केल्यावर अ‍ॅड. रिबेका यांनी पश्चिम महाराष्ट्रासाठी केवळ ११ तपास अधिकारी आहेत. त्यामुळे पुण्याला अधिकारी पाठवू शकत नसल्याचे सांगितले. च्अधिकाऱ्यांच्या कमतरेमुळे या तपासाला विलंब होत आहे. तुमच्या (सीबीआय) तुलनेत एसआयटीने पानसरे हत्येप्रकरणात समाधानकारक काम केले आहे. तपासासाठी अद्ययावत तंत्रज्ञानाचा वापर केला आहे, असेही खंडपीठाने सुनावले.याचिकाकर्त्यांच्या वकिलांनी तपास अधिकाऱ्यांंमध्ये समन्वय नसल्याचे खंडपीठाला सांगितले. सीबीआयचे तपास अधिकारी नवी मुंबईत असतात आणि तपास पथक पुण्यात आहे. त्यामुळे तपासाला विलंब होत असल्याचे अ‍ॅड. अभय नेवगी यांनी खंडपीठाला सांगितले. त्यावर अ‍ॅड. रिबेका यांनी, अधिकाऱ्यांचा त्यांच्या पथकाशी दररोज संवाद असतो; तसेच आठवड्यातून ते एकदा पुण्याला जातात, असे सांगितले. कोर्टाची नाराजीसीबीआयचा अहवाल पाहून खंडपीठाने नाराजी व्यक्त करत तपास समाधानकारक नसल्याचे म्हटले. सीबीआयने चार आठवडे काहीच केले नाही. मडगाव बॉम्बस्फोटातील फरार आरोपी रुद्र पाटीलचे काय, अशी विचारणा खंडपीठाने सीबीआयकडे केली. दाभोलकर हत्या प्रकरणात रुद्र पाटीलची भूमिका स्पष्ट करणारे पुरावे हाती लागले नसल्याचे सीबीआयच्या वकील रिबेका गोन्साल्विस यांनी सांगितले.बेवारस मृतदेह रुद्रगौडाचा?बेळगाव : जेष्ठ कन्नड साहित्यिक आणि पुरोगामी नेते एम.एम. कलबुर्गी यांच्या हत्या प्रकरणातील संशयित मारेकऱ्याच्या रेखाचित्राशी साम्य असणारा एक मृतदेह खानापूरच्या जंगलात सापडला. हा मृतदेह संशयित मारेकरी सनातनचा बेपत्ता साधक रुद्रगौडा पाटील याचाच असल्याचे वृत्त सोशल मीडियावर फिरू लागले. काही वाहिन्यांनीही ते देण्यास सुरुवात केल्यामुळे बुधवारी खळबळ उडाली. पोलिसांनी किंवा इतर तपास यंत्रणांनी याला अद्याप दुजोरा दिलेला नाही. उत्तर विभागाचे पोलीस महासंचालक उमेशकुमार यांनीदेखील मृतदेहाची ओळख पटली नसल्याचे सांगितले.