तिरुपतीच्या दर्शनासाठी गेलेल्या बारामतीतील ७ भाविकांचा अपघाती मृ्त्यू

तिरुपती येथे दर्शनासाठी गेलेल्या बारामतीतील सात भाविकांचा आंध्रप्रदेशमधील कर्नुल महामार्गावरील अपघातात मृत्यू झाला आहे.

ऑनलाइन लोकमत

पुणे/ हैदराबाद, दि. २५ - तिरुपती येथे दर्शनासाठी गेलेल्या बारामतीतील सात भाविकांचा आंध्रप्रदेशमधील कर्नुल महामार्गावरील अपघातात मृत्यू झाला आहे. सर्व भाविक बारामतीतील देऊळगाव रसाळ, उंडवडी सुप्याचे रहिवाशी आहेत.

बारामतीतील काही तरुण स्कॉर्पिओ गाडीतून तिरुपतीच्या दर्शनासाठी निघाले होते. आंध्रप्रदेशमधील कर्नुलजवळ रात्री उशीरा स्कॉर्पिओला अपघात झाला. स्कॉर्पिओ चालकाचे गाडीवर नियंत्रण सुटले व भरधाव वेगात असलेली गाडी रस्त्यालगतच्या एका घरावर जाऊन आदळली. या अपघातात स्कॉर्पिओतील सहा तरुणांचा दुर्दैवी अंत झाला. तर दोन जण जखमी झाली असून त्यांच्यावर स्थानिक रुग्णालयात उपचार सुरु आहेत. मृतांमध्ये बहुतांशी तरुण असून गावातील तरुणांच्या अपघाती मृत्यूनंतर बारामतीत शोककळा पसरली आहे. सागर रसाळ, अजित रसाळ, अनिल गवळी अशी या मृतांची नावे असून उर्वरित तरुणांची नावे अद्याप समजू शकलेली नाहीत.