धरणांमध्ये अवघा ६० टक्के पाणीसाठा, मराठवाड्यावर जलसंकट

राज्यात गतवर्षापेक्षा १५ टक्के कमी म्हणजे अवघा ६०.९१ टक्के पाणीसाठा असून तो सुमारे आठ महिने पुरवावा लागणार आहे.

पुणे : राज्यात गतवर्षापेक्षा १५ टक्के कमी म्हणजे अवघा ६०.९१ टक्के पाणीसाठा असून तो सुमारे आठ महिने पुरवावा लागणार आहे. त्यावरच पिण्यासाठी, शेती व उद्योगाची गरज भागविण्याचे आव्हान प्रशासनावर असणार आहे. मराठवाड्यात तर केवळ २३.७५ टक्के साठा असल्याने आवर्षणाचे संकट गडद बनले आहे.राज्यातील ३ हजार २६६ लहानमोठ्या धरणांची ४८ हजार ६३० दशलक्ष घनमीटर पाण्याची क्षमता असून, उपयुक्त पाणीसाठा ४०हजार ८२८ दशलक्ष घनमीटर आहे. यंदा २६ आॅक्टोबर अखेरीस धरणांमध्ये अवघा २४ हजार ८७० दशलक्ष घनमीटर पाणीसाठा शिल्लक आहे. पुणे आणि कोकण विभागात तुलनेने पावसाची स्थिती अधिक चांगली आहे. मराठवाड्याची उपयुक्त पाण्याची क्षमता ७ हजार ३७४ दशलक्ष घनमीटर असून, सध्या १ हजार ७५१ दशलक्ष घनमीटर (३२.७५ टक्के) पाणीसाठा आहे. गेल्यावर्षी पाणीसाठ्याचे प्रमाण ७० टक्के होते. नाशिकची क्षमता ५ हजार ९३४ दशलक्ष घनमीटर असून, ३ हजार ७९९ (६४ टक्के), तर नागपूर विभागाच्या ४ हजार ६०७ दशलक्ष घनमीटर क्षमतेपैकी १ हजार ७४३ दशलक्ष घनमीटर (३७.८४ टक्के) पाणीसाठा शिल्लक आहे. नाशिकमध्ये गेल्यावर्षी ८४.२८ आणि नागपूरमध्ये ४२.२१ टक्के पाणीसाठा होता.>राज्यातील प्रमुख धरणांची स्थितीधरण उपयुक्त साठा जलसाठ्याची गेल्यावर्षीची(दशलक्ष घनमीटर) टक्केवारी टक्केवारीतिल्लारी-सिंधुदूर्ग ३८६ ८६.२१ ९५.३२गोसीखुर्द-भंडारा ३७५ ५०.६६ २०.३८तातलाडोह-नागपूर १५० १४.७५ ३३.९७निम्न वर्धा ५७ २६.२८ ५८.८२भंडारदरा-अहमदनगर २४९ ८१.८३ १००मुळा-अहमदनगर ४१५ ६८.२२ १००गिरणा-नाशिक २४६ ४६.९४ ७१.७७दूधगंगा-कोल्हापूर ६४० ९४.२४ १००राधानगरी-कोल्हापूर २०५ ९३.१८ ९४.४२डिंभे-पुणे ३२२ ९१ १००पवना-पुणे २१७ ७९ ८७.८९पानशेत २८५ ९४.५४ १००भाटघर ६५७ ९८.७७ १००वरसगाव ३५९ ९८.९७ १००कोयना २४२० ८५.३६ ९९.१६उजनी १३८३ ९१.१८ १००