बचतगटांना पर्यावरणपूरक गणेशमूर्ती बनविण्याचे प्रशिक्षण

गणेशोत्सव पर्यावरणपूरक होणे काळाची गरज आहे. त्यामुळे प्रदूषण कमी होईल. महिलांच्या हाताला काम मिळेल, खर्चात बचत होईल म्हणून नागतीर्थवाडीतील अष्टविनायक बहुद्देशीय सेवाभावी संस्थेच्या संकल्पनेतून शाडूच्या मातीपासून गणेशमूर्ती बनविण्याचे प्रशिक्षण पार पडले. त्यासाठी प्रशिक्षक म्हणून उदगीरच्या लालबहादूर शास्त्री विद्यालयाचे सहशिक्षक गुरुदत्त महामुनी यांचे सहकार्य लाभले. मुख्याध्यापक प्रदीप कुलकर्णी आणि सहशिक्षिका अनिता येलमटे यांनी मदत केली. यावेळी पोलीस उपनिरीक्षक पंकज शिनगारे, पोलीस कर्मचारी डप्पडवाड, शेख उपस्थित होते.

यावेळी राज गुणाले, उपसरपंच विष्णुदास गुणाले, तंटामुक्ती अध्यक्ष तुळशीराम गुणाले, पांडुरंग येलमटे, चंद्रप्रकाश गुणाले, मच्छिंद्र शिंगडे, भागवत गुणाले, गोविंद येलमटे, गणेश मंडळाचे सदस्य प्रशांत गुणाले, प्रवीण कासले, दयानंद उंचे, संजीव रामासने, नामदेव कासले, गंगाधर येलमटे, हरिश्चंद्र गुणाले, ओमकार शिंगडे, आदी उपस्थित होते.

यावेळी सपोउपनि. शिनगारे म्हणाले, नागतीर्थवाडी ग्रामस्थ सतत नवनवीन उपक्रम राबवून प्रशासनाला सहकार्य करीत राज्यात आदर्शवत काम करीत आहेत. गणेशोत्सवात शासन नियमांचे पालन करावे आणि पर्यावरणपूरक व सामाजिक उपक्रम राबवावेत, असेही ते म्हणाले.