सावरगाव थोट येथे निर्जंतुकीकरण

येथे निर्जंतुकीकरण मोहीम राबविण्यात आली. गावातील मुख्य रस्ते, गल्लीबोळातही फवारणी करण्यात आली. तसेच कोविड लसीकरण वाढावे म्हणून घरपट्टीत ५ टक्के सवलत देण्यात आली आहे.

थोट सावरगाव येथील ग्रामपंचायतीच्या वतीने हा उपक्रम राबविण्यात येत आहे. गावातील प्रत्येक वॉर्डातील गल्लीबोळातील रस्त्याची साफसफाई करण्यात येत आहे. तसेच कोविड चाचण्या वाढविण्यात आल्या आहेत. गावच्या सीमा सील करण्यात आल्या आहेत. गावात दवंडी देऊन जनजागृती करण्यात आली आहे. लसीकरण वाढावे म्हणून घरपट्टीत ५ टक्के सवलत देण्यात आली आहे. ५० वर्षांपुढील नागरिकांनी घराबाहेर पडू नये. परगावचा व्यक्ती गावात येण्यास मनाई करण्यात आली आहे.

उपजिल्हाधिकाऱ्यांची भेट...

उपविभागीय अधिकारी प्रमोद कुदळे, तहसीलदार कुलकर्णी, गटविकास अधिकारी

अमोलकुमार आंदेलवाड यांनी थोट सावरगाव ग्रामपंचायतीस भेट देऊन पाहणी केली. तेथील परिस्थितीचा आढावा घेतला. यावेळी सरपंच ईश्वर खंदारे, मंडळ अधिकारी क्षीरसागर, शिवराज कांबळे, ग्रामसेवक दत्ता पाटील, आरोग्यसेवक कासले आदी उपस्थित होते.

नागरिकांनी काळजी घ्यावी...

नागरिकांचे सहकार्य मिळाल्यास कोणत्याही संकटावर नियंत्रण मिळविता येते. नागरिकांनी आपली व कुटुंबीयांच्या आरोग्याची काळजी घ्यावी. विनाकारण घराबाहेर पडू नये, असे आवाहन ग्रामसेवक दत्ता पाटील यांनी केले आहे.