लोकसंख्येच्या आधारावर लिंगायत समाजाला सत्तेत स्थान मिळावे

देवणी : राज्यात लिंगायत समाजाची एक कोटी लोकसंख्या आहे. या लोकसंख्येच्या आधारावर राज्यकर्त्यांनी समाजाला सत्तेत स्थान द्यावे, असे प्रतिपादन लिंगायत महासंघाचे प्रांताध्यक्ष प्रा. सुदर्शन बिरादार यांनी रविवारी केले.

येथील शिवयोगी श्री गुरु लिंगेश्वर विरक्त मठात आयोजित तालुकास्तरीय मेळाव्यात ते बोलत होते. या मेळाव्याचे उद्घाटन शिवयोगी श्री गुरु लिंगेश्वर विरक्त मठाचे मठाधिपती मनिप्र सिद्धलिंग महास्वामीजी यांच्या हस्ते झाले. यावेळी जिल्हा उपाध्यक्ष नागनाथअप्पा भुरके, जिल्हा सरचिटणीस चंद्रकांत काला पाटील, माणिकराव कोकणे, विश्वनाथ मिटकरी, सिद्रामप्पा पोपडे, सी. एम. बिराजदार गुरुजी, वैजनाथ अष्टुरे, हावगीराव पाटील, काशिनाथ गरिबे, ॲड. शेषराव बिराजदार, यशवंत पाटील, आदी उपस्थित होते.

प्रा. बिराजदार म्हणाले, लिंगायत समाजाला आरक्षण देताना शब्द बदल करण्यात आला. लिंगायत आरक्षण हे कायद्याच्या चौकटीत असताना ते दिले जात नाही.

यावेळी लिंगायत महासंघाच्या तालुकाध्यक्षपदी शेषेराव मानकरी तर शहराध्यक्षपदी विजयकुमार लुल्ले यांची निवड करण्यात आली. तसेच उर्वरित पदाधिकाऱ्यांचीही निवड करण्यात आली. या मेळाव्याला अमरनाथ मुळे, बसवराज कोपरे, नीळकंठ शिवणे, एन. आर. स्वामी, अशोक कडादी, तानाजी पाटील, सुभाष शंकरे, विजय खिंडे, सुभाष शेरे, रमेश वेरुळे, महेश शेवाळे, जनकराज जीवणे, रमेश मन्सुरे, वैजनाथ कारामुंगे, बसवराज बुदे, उद्धव मल्लेशे, नीलेश लांडगे, अमोल जीवने, मल्लिकार्जुन ईश्वरशेट्टे, प्रशांत बळते, राहुल बिराजदार, संदीप ईश्वरशेटे, रामराज मोरे, आनंद जीवणे, बसवराज हरनाळे, दीपक मळभगे, स्वप्नील बावगे, महेश रोटे, मनोज संते, आदी उपस्थित होते. सूत्रसंचालन प्रा. चंद्रकांत मोठेराव यांनी केले तर सी. एम. बिराजदार गुरुजी यांनी आभार मानले.