लातूर: लातूर शहर महानगरपालिका सार्वत्रिक निवडणूक २०२६ साठी आज सकाळी ७.३० वाजल्यापासून मतदानाला प्रारंभ झाला. पहिल्या चार तासांच्या टप्प्यात, म्हणजेच सकाळी ११.३० वाजेपर्यंत संपूर्ण शहरात सरासरी १८.२२ टक्के मतदान झाले असल्याची माहिती राज्य निवडणूक आयोगाच्या आकडेवारीवरून समोर आली आहे.
शहरातील १८ प्रभागांमध्ये एकूण ३,२१,३५४ मतदार असून सकाळच्या सत्रात ५८,५३९ नागरिकांनी आपल्या मतदानाचा हक्क बजावला आहे. यामध्ये ३२,०६४ पुरुष आणि २६,४७५ महिला मतदारांचा समावेश आहे. विशेष म्हणजे 'इतर' प्रवर्गातील एकाही मतदाराची नोंद या चार तासांत झालेली नाही.
प्रभागनिहाय आकडेवारी पाहता, प्रभाग क्रमांक १८ मध्ये मतदारांनी सर्वाधिक उत्साह दाखवला असून तिथे २३.९६ टक्के मतदान झाले आहे. त्याखालोखाल प्रभाग ५ मध्ये २१.३९ टक्के आणि प्रभाग १ मध्ये २१.२६ टक्के मतदान नोंदवले गेले. दुसरीकडे, प्रभाग ११ मध्ये सर्वात कमी म्हणजेच १४.३४ टक्के मतदान झाले असून, प्रभाग ३ मध्येही १४.७९ टक्क्यांसह मतदानाचा वेग काहीसा संथ पाहायला मिळाला.
सकाळच्या वेळी उन्हाचा कडाका कमी असल्याने अनेक मतदान केंद्रांवर नागरिकांच्या रांगा पाहायला मिळाल्या. विशेषतः ज्येष्ठ नागरिक आणि तरुणांनी सकाळच्या सत्रात मतदानासाठी प्राधान्य दिले. दुपारच्या सत्रात उन्हामुळे गर्दी काहीशी कमी होण्याची शक्यता असली, तरी सायंकाळपर्यंत मतदानाची टक्केवारी मोठ्या प्रमाणात वाढण्याचा अंदाज प्रशासनाने वर्तवला आहे.
Web Summary : Latur recorded 18.22% voter turnout in the initial four hours of municipal elections. Ward 18 saw the highest participation at 23.96%. Over 58,539 citizens voted, including 32,064 men and 26,475 women. Authorities anticipate increased voting percentage later in the day.
Web Summary : लातूर नगर निगम चुनाव के शुरुआती चार घंटों में 18.22% मतदान दर्ज किया गया। वार्ड 18 में सबसे अधिक 23.96% भागीदारी रही। 58,539 से अधिक नागरिकों ने मतदान किया, जिनमें 32,064 पुरुष और 26,475 महिलाएं शामिल हैं। अधिकारियों को दिन में मतदान प्रतिशत बढ़ने की उम्मीद है।